उजवाड ब्युरो : 4 नोव्हेंबर : मतदार होच ‘राजा’ आसता हे वास्तव आयज पेट्रोलच्या किमतीत अचानक जाल्ल्या घसरणीकडे पळयल्यार परते एक फावटी प्रकर्शान दिसून आयले. बे-लगाम सत्ताधाऱ्यांक भानावयर हाडत मतदारांनी आपल्या दंडाच्यो बेंडकुळ्यो फ़ुगयल्यो आनी सत्तधारी झुकले आनी ताळ्यार आयले असोच हो अणभव !
फाटल्या हप्त्यांत जाल्ल्या पोटनिवडणुकींत विधानसभेच्या 29 पैकी 20 आणि लोकसभेच्या 3 पैकी 2 सुवातेवयर पराभव करून मतदारांनी केंद्रातल्या सत्ताधारी भाजपाक धडो शिकयलो. पोटनिवडणुकीच्या निकाला उपरांत कांय दिसांतच पेट्रोल आणि डिझेलचे दर कमी जाल्ल्यान वस्तुस्थिती किते आसा हे कळुन आयले
भाजपचे फ़ाटल्या दोन दिसांनी व्हड विचारमंथन जाला अशें दिसता, कित्याक भाजपा फ़ुडारी आनी तांच्या अनुयायांनी कदाचित पक्ष नेतृत्वाक अशें करपाक भाग पाडले असतले. हो डॅमेज कंट्रोल करपाचो यत्न आसा दुसरे कांय ना, अशें तज्ञांचे मत आसा.
केंद्रान पेट्रोल आणि डिझेलवयर अनुक्रमान 5 रुपये आणि 10 रुपयांची अबकारी कपात जाहीर करताना राज्यांक अधिक दिलासो दिवपाक सांगला. रोकडेच बँडवॅगनांत सामील जावन, भाजपशासित राज्यांच्या मुखेल मंत्र्यांनी इंधनाचो दर आनींक कमी करपाची घोशणा केल्या.
केंद्र सरकारान किमती कमी केल्यावयर कांय तासांभितर कर्नाटकचे मुखेल मंत्री बसवराज बोम्मई हांणी दोन्ही इंधनाच्यो किमती आनींक ७ रुपयांनी कमी करपाची घोशणा केली. कर्नाटकांत आता पेट्रोलचे दर ९५.५ रुपया आणि डिझेल ८१.५ रुपया प्रतिलिटर जावपाची शक्यताय आसा.
त्याचप्रमाण गोयांतल्या लोकांक व्हड दिलासो मेळतलो, कित्याक म्हळ्यार गोंयच्या मुखेल मंत्र्यांनी किंमत कपातीची घोशणा केल्ली, त्यानुसार पेट्रोल आणि डिझेल 12 रुपया आनी 17 रुपयांनी रोकडेच कमी जवपाचे नांत. गोयांत आता निवडणूक तोंडार आयल्य़ा, ह्या पासोत अशी पडझड भाजपा क आता परवडची ना
केंद्राक व्हड धडो शिकवपी नागरिकांक कांय राज्या किमतीत सवलत दिवपाच्या तयारींत आसात. मतदार आता सत्ताधाऱ्यांक जोरदार संकेत दीत आपले दंड थोपटुंक लागल्यात इतले मात खरे.
पेट्रोल-डिझेल किंमते गिराना है, तो >>>> को हराना है, हो एक नवो मंत्रच मतदारांक आता मेळ्ळा !
