उजवाड ब्युरो, बेळगाव: सायमन जॉन रॉड्रिग्स आनी डॉ.ऋतु (रिटा) रॉड्रिग्स हांच्या काजाराचो आयज रुप्या सुवाळो. तांचा काजारी जिवितांतल्या ह्या रुप्या वर्सा उजवाड परिवारातले आमी सगळें तांचे इश्ट तांचेर देवाचे धाराळ बेसाव मागताव आनी तांच्या काजारी जिविताचो फुडार असोच मोगान आनी देवाच्या देण्यांनी भरचो म्हूण देवाबापालागी मागणे.
बाब सायमन रॉड्रिग्स ह्यो आमच्या इचलकरंजी गावचो फुडारी. राजकीय, धार्मिक आनी सामाजिक मळार ताणे खुप काम केला. इग्रजीच्या कामात सायमन आनी ताची घरकान्न व्हड उमेदीन वांटो घेतात. कसलेच काम ताचेकडे घेवुन गेल्यार तांतुन बरो मार्ग काडुन मार्गदर्शन करपी ताचो स्वभाव वाखण्यासारको आसा. तेच भाशेन जायत्या फादरांचो तो लाडको जावुन आसा. फादराकनी तशेच मार्गदर्शन जाय जाल्यार हो हक्काचो आनी विश्वासी मनीस.
ह्या जोडप्याक दोन भुरगी, व्हडलो पुत ॲलन आनी धुव अलिशा, घरकान्न डॉ. रिटा(रितु) रॉड्रिग्स ही पुन ए.एस.सी. कॉलेज इचलकरंजी हांगा फाटली 15 वर्सा अकाउंट्स हो विशय शिकयता. आपल्या 15 वर्साच्या कारर्किदीत कितलेश्या भुरग्यांकनी जिवितांतलो मार्ग दाखयला अशी ती अभिमानान सांगता. तिणें 2021 वर्सा इम्पॅक्ट क्लस्टर डेव्हलॉपमेंट ऑन टेक्सटाईल इंडस्ट्री इन इचलकरंजी, ह्या विशयांत तिणें शिवाजी विद्यापिठाची डॉक्टरेट मेळयल्या. विशेश म्हळ्यार ती एक हाडाची कोंकणी मोगी आसा.
अशा ह्या सोबीत आनी मोगाळ जोडप्याक काजाराचो फुडार देवाबापान सुख समाधानाचो दिवचो म्हूण ह्या तांच्या खाशेल्या दिसा देवाबापालागी उजवाड परिवार मागणे करता.
– मनवेल रॉड्रीग्स, इचलकरंजी