इम्फाळः मणिपूरांतल्या मेईतेई आनी कुकी ह्या दोन जमातीमदीं फाटले दोन ते अडेज म्हयने यादवी झुज चालू आसा. हातूंत आतां मेरेन शेंकड्यांनी लोकांक मरण आयलां. ही गजाल थंयच थांबूंक ना, पूण ह्या वादांत बायलांचो मान लुटपाचीं सामकीं निर्लज्ज घडणुको उजवाडाक आयल्यात. काल सावन असोच एक व्हिडियो सोशल मिडियाचेर व्हायरल जाले उपरांत पुराय देशाक धक्को बसला. ही घटना मणीपुरची राजधानी इंफाल थावन ३५ किंंमी आशिल्ल्य़ा कांगपोक्पी हांगा जाली.
मणिपूरांत नग्न बायलांची धींड काडपी नराधमांक मरणाची ख्यास्त दिवंची – देशभरांतल्या बायलांची मागणी
ही लज्जास्पद घडणूक पयलेच खेपे 18 मे दिसा पुलीस स्टेशनांत कळ्ळी. 4 मे , २०२३ दिसा दनपारां 900 ते 1000 लोकांच्या जमावान थोबलांतल्या एका गांवाचेर हल्लो केलो. तो मेईतेई समाजांतलो आशिल्लो. पयलीं घरांक उजो लायलो. घरांतल्यान पयशे, दागिने सयत मोलादीक वस्तू लुटली. हें पळोवन गांवांतल्यो तीन बायलो आपल्या बापायक आनी भावाक घेवन रानांत पळून गेल्यो. मजगतीं पुलीस पंगडान थंय येवन पांचूय जाणांक घेवन पुलीस स्टेशनाचे वटेन सुरवात केली. मजगतीं, लोकांनी पुलिसांक आडायले आनी पांचूय जाणांक ओडून व्हेले. थंयच्यान पुलीस स्टेशन दोन किलोमीटर अंतराचेर आशिल्लें. ह्या लोकांनी पुलिसां मुखार बापायक जिवेशीं मारलो. ते उपरांत बायलांक थंय कपडे काडचे पडले. एके बायलेची पिराय 21 वर्सां, दुसरी 42 आनी तिसरेची पिराय 52 वर्सां आशिल्ली. ह्या बायलांक कपडे नासतना गर्दे मुखार चलपाक लायले. हे खेपे तांकां टीस करपाक लागले. 21 वर्सां पिरायेच्या चलयेचेर जमातीन सामुहीक बलात्कार केलो. तिचो भाव तिका वाचवपाचो यत्न करताना ताका मरण आयलें. अशें घडटा आसतना दोन बायलांक तांच्या कांय वळखीच्या लोकांनी कुशीक व्हरून गर्दीच्या चपक्यांतल्यान मुक्त केल्यो. ह्यो सगळ्यो घडणुको पुलिसां मुखार घडल्यो.
१८०० तासां उपरांत पंतप्रधान मोदींनी ३० सेकंदांभितर आपले मत उक्तायले
49 दिसां उपरांत गुन्यांव नोंद जालो जाल्यार पयली अटक 78 दिसां उपरांत जाता. हाका लागून पुलीस भौसाचे संरक्षक आसात काय ना हो प्रस्न उप्रासता. ह्या घडणुकीचो व्हिडिओ व्हायरल जाल्या उपरांत खूब वेळान आमच्या पंतप्रधानांक जाग आयली ही आनी एक खेदजनक आनी संताप हाडपी गजाल व्हय !!
