बेंगळुरू : बेंगळुरूच्या सेंट जॉन ऑडिटोरियमांत कॅथलिक बिशप कॉन्फरन्स ऑफ इंडिया (सीबीसीआय) ची ३५वी जनरल बॉडी बसका 6 ते 11 नोव्हेंबर 2022 मेरेन जाली. पयले दीस मुखेल सेलिब्रेटी अपोस्तोलीक नुन्सिओ मोस्ट रेव्ह. डॉ. लिओपोल्ड गिरेली हांणी 200 वयर बिशपां वांगडा पवित्र मिस भेटयले. तातूंत पाद्री, धर्मीक वरिश्ठ आनी प्रतिनिधी हाजीर आसले.
बिशपांच्या सिनोडाचो महासचिव ताचो महामहिम मारियो कार्डिनल ग्रेच, मुंबयचो आर्चबिशप आनी सीबीसीआयचो अध्यक्ष बिशप जोशू मार इग्नाथियोस, सीबीसीआयचो उपाध्यक्ष आर्चबिशप फेलीक्स मच्याडो, हेर आर्चबिशप, बिशप आनी पाद्री हांणी व्हडा संख्येन पवित्र मिसांत वांटो घेतलो.
कार्डिनल ओसवाल्ड ग्रासियासान सहभागींक येवकार दिलो. नुन्सिओन शेरमांव दिलो .
अनाथ आनी झुजाक बळी पडिल्ल्या भुरंग्यां खातीर नोव्हेंबर 2022 म्हयन्यांत मागणे करूंक पवित्र फादर फ्रांसिसाचो हेतू नुन्सिओन उजवाडाक हाडलो, जाका लागून तांकां शिक्षण आनी कुटमाचो मोग अणभवपाची संद मेळटली.
“जाण्टे लोक विस्वासू, विस्वासांत घेवपा सारके आनी सगळ्यांत चड देवाचे वांगडी म्हूण तोखनाय करपा सारके आसूंक जाय. तशेंच, देवाच्या लोकांनी आदर्श क्रिस्तांव जिवीत जगचें आनी खर क्रिस्तांव सिध्दांत जाहीर करचो अशें नुन्सिओन सांगलें. सां पावलूचो उल्लेख करून ताणें सांगलें की आयच्या लोकांक सुवार्तेची घोशणा करपाचो यत्न म्हळ्यार क्रिस्तांव समाजाची आनी तशेंच पुराय मनीसजातीची सेवा आसा हातूंत दुबाव ना.
मिसाच्या शेवटाक अपोस्टोलीक नुन्सिओन बिशपांक बरे बिशप जावंक आवाहन केले.
सेंट जॉन गायन मंडळ आनी लितुर्जीकल पंगडान युकेरिस्टीक उत्सवाक खूब आध्यात्मिक आनी संगीतमय केले.
फोटो : कार्डिनल ग्रेच, कार्डिनल ग्रासियास आनी हेरां वांगडा मिस अर्पण करपी अपोस्टोलीक नुन्सिओ डॉ. लियोपोल्ड गिरेली.
