उजवाड ब्युरो, ता.१० : आपल्या गायनान साठ वर्सां वयर रसिकांच्या काळजाचेर राज्य करपी महाराष्ट्राची लावणी सम्राज्ञी म्हालगडी पार्श्वगायिका सुलोचना चव्हान संवसाराक अंतरली. पिरायेच्या 92 व्या वर्सा तिने आपल्या निवासस्थानार निमाणो स्वास घेतलो. ज्येश्ठ गायिका सुलोचना चव्हाण हांणी भोजपुरी, हिंदी, गुजराती, तमिळ, पंजाबी आदी पदां गायलीं. पूण मराठी सिनेमांतली लावणी ही तांची खरी वळख जाली.
सुलोचना चव्हान हांका भारत सरकारान पद्मश्री दिवन भोवमान केल्लो. हाचे भायर तांकां लता मंगेशकर पुरस्कार दिवन भोवमान केल्लो. रंगल्या रात्री ह्या सिनेमा खातीर तिने पयली लावणी गायिल्ली. आचार्य अत्रे हांचेकडल्यान ‘लावणी सम्राज्ञी’ ही पदवी तांका मेळ्ळी.
