उजवाड ब्युरो, बेळगाव ता.19: बेळगांवच्या सेंट पॉल पीयू कॉलेजीच्या वर्सुकी आंतर-शाळा खेळां, साहित्यीक, आनी सांस्कृतीक एक्स्ट्रावागांझा OORJA हातूंत 50 वयर शाळांचे 2000 वयर विद्यार्थी वांटो घेतले. कॉलेजीच्या कार्यावळीविशीं तपशील दितना फादर डॉ. स्टीवन आल्मेडा हांणी सांगलें की “बेळगांव आनी खानापूर तालुक्याच्या सुमार 50 मुखेल शाळांतले सहभागी 23 ते 28 नोव्हेंबर मेरेन स दिसांच्या फेस्तांत वांटो घेतले.
OORJA हातून 11 प्रकारांचो आस्पाव आशिल्ले जायते कार्यावळी घडोवन हाडटा . सांस्कृतीक कार्यावळीचे उक्तावण जेएनएमसी चे उपप्राचार्य डॉ राजेश पवार हांणी 24 नोव्हेंबर 2022 दिसा सकाळीं 10:30 वरांचेर करतले.
आदले प्राचार्य सरगेस्त फादर जेकब कर्वाल्हो हांचो भोवमान करपा खातीर आयोजीत केल्ली फुटबॉल सर्त, सेंट पॉल पीयू कॉलेजीच्या मैदानाचेर नोव्हेंबर, 23 तारखेक सकाळीं 10:30 वरांचेर सुरू जाता. उक्तावण कार्यावळी खातीर नामनेचो पत्रकार श्री लुईस रॉड्रिग्स् मुखेल सोयरो आसतलो.
एक नामनेची वक्तो आशिल्ली डॉ. छाया मेहता हांच्या उगडासाक साहित्यीक कार्यावळी घडोवन हाडटात श्री चिमनलाल आनी श्रीमती मुक्ता शाह, हातुंत निबंद, भाशण आनी प्रस्न मंजुशा सर्त अनुक्रमान 25 आनी 26 नोव्हेंबर 2022 दिसा जातेली.
भुरग्यांक लैंगीक अत्याचारांतल्यान राखण दिवपा खातीर सुरक्षा अशो हेर कार्यावळी लेगीत जातेल्यो. तेच भाशेन पर्यावरण समाजीक-पर्यावरणीय प्रकल्प आनी फॅशन फिएस्टा, स्टँड-अप कॉमेडी, नाचांचें फन-फ्यूजन, आनी गायन सारकिल्यो हेर मुखेल कार्यावळीय जातल्यो. ह्या कार्यावळीचो निमाणो भाग 28 नोव्हेंबराक जातलो.
वेवस्थापक फादर रोनी डीसूझा, प्राचार्य डॉ पद्मिनी रविंद्रन हाजीर आशिल्ले.
तपशीलां खातीर iignatian@gmail.com कडेन संपर्क सादचो, वा www.stpaulspuc.in चेर भेट दिवची, वा 8805163609 वयल्यान फोन करचो.
