सांत फ्रांन्सिस शावेर कुड सुवाळो : पार्किंग, येरादारी वेवस्था सुवातीची समितीन केली पळोवणी

उजवाड ब्युरो, पणजी :  गोंयच्सेंया सायबाच्या  कुड प्रदर्शन सुवाळ्याक  देश- विदेशांतले भाविक आनी पर्यटक पोरणें गोंय चर्चीक भेट दितात. गर्देक लागून येरादारीची कोयंडी जावची न्हय तशेंच सगळ्यां वाहनांक पार्किंगां खातीर सुवात मेळची हे खातीर समितीन सुवातीची पळोवणी केली. पार्किंग आनी येरादारी वेवस्था हांचे नियोजन सुरू जालां, अशी म्हायती समितीच्या एका वांगड्यांन दिली.
सेंट फ्रान्सिस झेवियर कुड प्रदर्शन सुवाळो 10 वर्सां उपरांत जाता. अंदू 21 नोव्हेंबर 2024 ते 5 जानेवारी 2025 हे काळांत हो सुवाळो जातलो. साधनसुविधा उबारपा सयत तयारी खातीर सरकारान समिती स्थापन केल्या. शव प्रदर्शन सुवाळ्या खातीर सरकार पोप फ्रान्सीस हांकां निमंत्रण दिवपाचे आसा.
समन्वय अधिकारी संदीप जॅकीस हांचे फुडारपणा खाला काय वांगड्यांनी पोरणें गोंय वाठारांक भेट दिवन पळोवणी केली. पार्किंग सुवात आनी येरादारी वेवस्थापना खातीर ही भेट आशिल्ली अशीं म्हायती गोपांनी दिली. पार्किंग, येरादारी वेवस्थापन, सुरक्षा, पियेवपा खातीर उदक आनी नितळ घरांची वेवस्था हांचो प्राधान्यान विचार जातलो, अशी म्हायती समितीच्या वांगड्यांनी दिली.