उजवाड ब्यूरो, खानापूर: देवाबापान सगळ्या संवसराक कोरोना म्हामारींतल्यान निवारुंचे, सगळ्या लोकांक बरी भलायकी फावो करची आनी लोकांक पयल्या सारके सामान्य जीवित फावो जावंचे, ह्या मागणीखातीर खानापुरच्या 22 धाकटूल्या भुरग्यानी नंदगडच्या चमत्कारी पवित्र खुरसाकडे मागणे केले.
ही भुरगी खानापूर ते नंदगड मेरेन 12 की.मी. अंतर चलून गेली. तांचेवांगडा खानापूरचे प्यारिश प्रिस्ट मानेस्त फादर कुस्तास लिमा, सेंट झेवियर आय. टी.आय.चे प्रिन्सिपॉल फादर शॉन डिसोझा आशिल्ले.
