उजवाड ब्युरो, सप्टेंबर, १४ : धर्मादाय सह आयुक्त कोल्हापूर विभागाच्या आदेशा प्रमाण आनी धर्मादाय कमिशनर कार्यालय सिंधुदुर्ग हांच्या मार्गदर्शना खाला सिंधुदुर्ग जिल्हो कबड्डी फेडरेशनाच्या नव्या कार्यकारी मंडळाची वेंचणूक बिरेस्तारा 13 सप्टेंबराक सावंतवाडी हांगा जाल्ले सार्वत्रिक बसकेंत एकमतान आनी उमेदीन जाली हें . 2023 ते 27 मेरेन चार वर्सां खातीर वेंचून आयिल्ल्या नव्या कार्यकारी मंडळाचो अध्यक्ष म्हणून नामणेचो कवे, उद्योजक आनी क्रिडापटू रुजारिओ पिंटो हांकां एकमतान वेंचून काडले.उपाध्यक्ष – अजीत पांडुरंग गोगटे आनी श्री दिलीप मोहन रावराणे परतून वेंचून आयले आनी तुषार उर्फ तुकाराम ना. साळगांवकार हाचो उपाध्यक्ष म्हूण नव्यान वेंचून आयिल्लो.
कार्याध्यक्ष संजय जयकांत पेडणेकर, कार्यवाहपदाचेर दिनेश वामन चव्हाण आनी खजिनदारपदाचेर मार्टीन ज़ुजे अल्मेडा हांकां कोषाध्यक्ष म्हणून परतून वेंचून काडले.
विजयकुमार गोपाल सांळुंखे आनी नितीन चंद्रकांत हडकर नवे वेंचून आयले जाल्यार शैलेश मारुती नायक, दत्तात्रे बालकृष्ण पानवेलकर, अनंत जानु गुरव, अनिता शंकर सदवेलकर उर्फ शारदा गावडे, संजय मधुकर सावंत, नारायण अरुण कोठावले एकमतान वेंचून आयले. सगळ्यां वतीन आयचे बसकेचो अध्यक्ष दिलीप रावराणे हांणी नव्यान नेमिल्ल्या अध्यक्ष रुजारिओ पिंटो हांकां फुलांचो गुच्छ दिवन परबीं दिली आनी तांकां बरें मागलें.
ह्या संदर्भार उलयतना पिंटो हांणी सांगलें की आदलो आमदार आनी संस्थेचो उपाध्यक्ष अजीत गोगटे आनी उपाध्यक्ष दिलीप रावरणे हांच्या मार्गदर्शनान संघटनेचें काम चड जोशपूर्ण जातलें. ‘‘ आमी संघटनेक नवी दिका दिवपाचो हेतू दवरतात, तेच बरोबर संघटनेच्या बळग्या वांगडा जिल्लो संघटनेंत, आमी दरेका तालुका कबड्डी संघटनेचो आदार दिवपाचो यत्न चालू दवरतले.जिल्ह्यांत आनीक कबड्डी पंगड आनी खेळगडे कशे तयार जातले, जिल्ह्याच्या किशोर,कुमार, उक्त्या गटांतल्या चले-चलयांच्या खेळगड्यांक प्रशिक्षण आनी सराव.आमी आसात अशें तांणी सांगलें शिबिरां कशीं घडोवन हाडचीं, खेळगड्या मदीं शिस्त कशी वाडोवची, तालुका वर्गा प्रमाण जिल्हो पंचांक प्रशिक्षण आनी मार्गदर्शन शिबिरां कशीं घडोवन हाडचीं हाचेर लक्ष केंद्रीत करतले,’’ अशे पिंटो हाणीं सांगले.