उजवाड ब्युरो, कोल्हापूर: मुळावे कौलगे (गडहिंग्लज) आनी कोल्हापूर हांगा राबितो केल्ले अमन बारदेस्कर (मिनेंझीस) हांची धूव रिशेल हिची एनडीए एअरफोर्स केडरांत निवड जाल्याचे पत्र आयला. एनडीए परीक्षा उत्तीर्ण जावपा खातीर तिने 5 दिसांची मानसशास्त्रीय चाचणी आनी पीएबीटी-पायलट अभियोग्यता चाचणी (जी एकाच प्रयत्नांत पास जावंची लागता) दिली, ती भारतात 33 व्या आणि चेडवांमध्ये 6 व्या नंबराचेर पास जाली. एअर फोर्सखातीर ती 3री आयली. एकूण 6,69,000 विद्यार्थी परीक्षेक बाशिल्ले. लेखी परिक्षा उत्तीर्ण जाले तरी त्यामुखार सर्व्हिस सिलेक्शन बोर्ड, पायलट ॲट्युटूड बॅटरी ट्रेनिंग आनी वैजकीय अशे तीन खडतर परिक्षा आसतात. तांतूत लेगित ती यसस्वी जाली. त्या उपरांत देशभरांतल्यान 400 उमेदवारांची गुणवत्ता यारी युपीएसींन प्रसिध्द केली. तांतूत तिचो समावेश आसा.
पुणे हांगाच्या खडकवासला एनडीए अकॅडमींत तीन वर्साचे तर डुंडीगलच्या एअरफोर्स अकॅडमींत एक वर्साचे प्रशिक्षण पूर्ण जाल्या उपरांत ती प्रत्यक्ष सेवेंत दाखल जाणार आसा. पुण्यांच्या सीओईपी कॉलेज मदे प्रवेश मेळलो आसताना लेगीत तिने देश सेवेचो मार्ग निवडलो.
मुळावें कौलगे आनी आता गडहिंग्लज रावपी माजी सैनिक बस्तू आण्णा बारदेस्कर आनी लुईजा टीचर हांची ती नात आसा. तिचो बापलो ले. कर्नल जीवन बारदेस्कर (मिनेंझीस) भारतीय सेनेत उच्चपदार आसा. तांचे मार्गदर्शन तिका मेळले. तिच्या ह्या अभूतपूर्व, अकल्पनीय, यशाबद्दल समेस्त उजवाड परिवार तिचे अभिनंदन करता.
