लुईस रॉड्रिगीसः बेळगांव वाठारांत मंगळारा सावन तीन दिसां पासून जावपी उतांगाराचो पावस मात्सो उणो जाला आनी हुंवाराचो धोकोय उणो जाला, पूण संवसारांत फामाद आशिल्लो गोकाक धबधबो आनी चोरला घाटांतले धबधबे, कणकुंबी आनी बेळगांव वाठारांनी परतून पुराय प्रवाहांत जाल्यात .
मागीर गोयकार आनी हेर पर्यटक आतां ह्या हप्त्याच्या शेवटाक बेळगांव सावन 60 किमी अंतराचेर आशिल्ल्या गोकाक धबधब्यांका भेट दीवपाची येवजण करूंक शकतात.
घटप्रभा न्हंयचेर मिनी नायगारा सारको दिसपी गोकाक धबधबो ह्या पावसाळ्यांत दुसरे खेपे उदकाचो प्रवाह वाडिल्ल्यान परतून एक फावट गर्जना करता.
हिडकल धरणांतल्यान अंदूं सुमार 28 हजार क्युसेक उदक सोडलां, जें फाटल्या वर्सा परस दुप्पट आसा.
फाटल्या वर्सा परस आमी चड उदक सोडलां. फुडले कांय दीस उदक सोडपाचें काम चालूच उरतलें अशें हिडकल धरणाचे प्रभारी उप कार्यकारी अभियंतो सलीम माडीवाले हांणी सांगलें. हाचो अर्थ पर्यटकांक आनीक कांय दीस गोकाकाच्या धबधब्यांची गर्जना पळोवपाचो आनी अणभवपाचो आनंद घेवपाची अपेक्षा आसा, जाका लागून तांकां एक आनंददायक विकेंड अनाभवुक मेळ टली
रेवेच्या फातराचेर 52 मीटर (171 फूट) खोल दरींत न्हंयचें उदक कोसळता तें पळोवपा खातीर ह्या वाठारांतले पर्यटक गोकाक धबधब्यांत गर्दी करतात. धबधब्याचो गर्जना लोकांचो आवाज बुडयता जाल्यार धबधब्याचो गर्जना दोन किलोमीटरां मरेन आयकूंक येतात. 177 मीटर रुंदायेचो हो धबधबो सकयल देंवता तेन्ना पळोवपासारकें आसा.
वीज निर्मितीखातीर गोकाक धबधबो राश्ट्रीय पांवड्यार प्रसिध्द आसा. १८८७ त ब्रिटीश राजवटीच्या काळांत देशांत पयलेच खेपे जलविद्युत उर्जा निर्माण जाली. उदका थावण 14 मीटर उंचायेचेर आशिल्लो 200 मीटर लांबायेचो भव्य झुलतो पूल पर्यटकांक आकर्शीत करता. पूण सुरक्षा कारणांक लागून तो भौसाक बंद आसा.
धबधब्याच्या वाठारांत पारंपारीक चालुक्य वास्तुशिल्प पद्दतीन बांदिल्लीं दुर्गादेवी, भगवान शनमुख आनी भगवान महालिंगेश्वर हांचीं पुर्विल्लीं देवळांय पर्यटकांक आकर्शीत करतात.
फातरांच्या दोंगरांच्या मुळसांत आशिल्ल्या गोकक शाराक भेट दिवप म्हणल्यार नामनेचें गोड ‘गोकाक करदंत’ विकतें घेवपाच्या हेतान.
मजगतीं, कांय साहसी तरणाटे फातराच्या कांठार सावन सेल्फी घेवपाचो यत्न करता आसतना अपघात जालो, सुरक्षा वेवस्था करून बॅरिकेड घाल्यो. सप्तकाच्या शेवटाक अतिरिक्त पुलीस तैनात आसतना गोकक पुलिस प्रतिबंधात्मक उपाय करतात अशें पुलीस अधीक्षक संजीव पाटील हांणी सांगलें.
……………. .
शेवट जाता
फोटो: गोककाचो सुरम्य धबधबो पुराय बळग्यान झरपी
– लुईस रॉड्रिगीस
