पिरनवाडी नाको ते व्हीटीयु रस्तो रुंदिकरणाक खर विरोद

उजवाड ब्युरो,बेळगाव: हालगा- मच्छे बायपास रस्त्याचे काम सुरु जाल्यावयर रिंग रोड बाबतींत हालचली सुरु आसतानाच आता वेगीच पिरनवाडी नाको ते व्हीटीयु मेरेनच्या रस्त्याचे रुदिंकरण करतलें. जाल्यार पिरनवाडी ग्रामस्थांनी ह्या रुंदिकरणाक खर विरोद केला. हो रस्तो 110 फूट रुंदायचो केल्यार व्यापारी आनी ग्रामस्थांचे लुकसान जातले. हो रस्तो 60 फूटाचो करचो अशी तांण मागणी केला. नाजाल्यार आंदोलन करतलें. न्यायालयीन लढाईक सुध्दा आमी तयार आसतले. अशें हांगाच्या नागरीकांनी म्हळां.
110 फूटाचो रस्तो केलो जाल्यार दोनी वटेची दुकानां काडची लागतली. तशेंच रस्त्याक लागुन आशिल्ल्या कितल्याशाच घरांचे लुकसान जातले. हालीच बेळगाव दक्षिणच्या आमदारान भुमिपूजन करुन रस्त्याच्या कामाक चालना दिल्या तेन्नाथावन हो विरोद सुरु जाला.