उजवाड ब्युरो: दक्षिण आफ्रिकेंत मेळिल्लो ओमिक्रॉन हो कोरोनाचो व्हेरिएंट आता जगांतल्या 38 देशांभितर पावला. भारतांत लेगित 3 लोक मेळ्ळ्यात. केंद्रिय भलायकी सचिवान ओमिक्रॉन व्हेरिएंटच्या धोक्याबाबत 6 राज्यांक चीट बरोवन भिरातं उक्तायल्या. या 6 राज्यांत केरळ, जम्मू काश्मिर, तमिळनाडू, कर्नाटक, ओडिसा आनी मिझोराम हांचो आस्पाव आसा.
उजवाड आतां 24व्या वरसांत पावल मारता ही खूब खोशेची गजाल व्हय. 23 वरसांची खडतर वाटचाल, 125 वयर खेड्यांची- शारांची भ्रमंती, 55 रुपयांची वर्गणी वो पटी घेवंक धडपड आनी उजवाडची ज्योत तेवत दवरचो प्रयत्न, घाटमाथो प्रदेशातल्या कोंकणी मनशाचे अस्तित्वा बद्दल गोय आनी सगळ्या प्रिथुमिक जाणवाय करुन दिवप आनी कोंकणी मनशाचो एकवोट घडोवन हाडून कोंकणी भास आनी संस्कृताय थिगोवन दवरप, अशे बहुरंगी- बहुढंगी आनी इतिहासिक कार्य उजवाड वोरवी साध्य जाला.
