उजवाड ब्युरो, बेळगाव: दूद सगल्यांनी पिवपाक जाय, अशें सांगतात. तातूंतं कॅल्शियम, प्रोटीन, जीवनसत्त्वां, भलायकेक बरी चरबी हांचे सयत साबार पुश्टीक घटक आसतात. ताका लागून दोतोर पसून ल्हानपणा सावनूच दूद पिवपाचो सल्लो दितात. पूण आतां निराळ्या पोटार तें पिवप बरें काय वायट हाचेर भासाभास चलता.
मुंबयच्या कांय दोतोरांच्या मतान, हाडांक खातीर दूद पियेवप बरें. दूद हो कॅल्शियम, फॉस्फरस आनी प्रथिनांचा बरो स्रोत. तो हाडां आनी दांत बळिश्ट दवरता. चरबीय नियंत्रणा खाला उरता. रिकाम्या पोटार दूद पियेल्यार कांय जायना. कांय जाणांक पचनाच्यो समस्या आसतात. तरीय तांचेर कांय वायट परिणाम दिसून येवंक नात. सकाळच्या नाश्त्या वेळार चड प्रोटीन आशिल्ल्या दुदाचो आस्पाव करपाक जाय. कारण गोडेंमुताचे दुयेंतीक तें बरें. साकर नियंत्रणांत उरता.
लॅक्टोज इनटॉलरन्साक लागून पचना संबंदीच्यो समस्या जाणवपाक शकतात. पोट फुगप, गॅस, हागवण जावं शकता. त्या वेळार बदाम दूद, सोया दूद, नाल्लाचो रोस हे वनस्पती आदारीत दुदाचे पर्याय थारपाक शकतात, अशें दोतोर सांगतात.
