झुजे रेगो, उजवाड ब्युरो: सावंतवाडी एम एस टी संस्थेचो ब्रदर दानोलींत बुडलो. ते न्हंयचें उदक पळोवपाक गेले. उदकाचो अदमास घेवंक शकनाशिल्ल्यान तो सरकून व्हाळांत पडलो. ताचें नांव नोव्हेल फेलिक्स ठेट्टेकारा (पिराय 30, मुंबय, मूळ केरळ). ही घडणूक सोमवार 2 सप्टेंबर दिसा 1:30 वरांचे सुमाराक घडली. माडखोल धवडकी वाठारांतल्या न्हंयचे देगेर ताची मेल्ली कूड मेळ्ळी. सांगेलीच्या बाबल आल्मेदाच्या पंगडान सोद कारवाय केली. सावंतवाडी पुलीस स्टेशनांत अचकीत मरणाची केस नोंद जाल्या.
हे संबंदी चड म्हायती म्हणल्यार ब्र. नोव्हेल स म्हयन्यां आदीं दानोली वाठारांतल्या विमल गार्डनांत प्रशिक्षण घेवपा खातीर आयिल्ले. मजगतीं, आयज ह्या जाग्यार व्हड पावसाक लागून बागे कुशीक आशिल्ली न्हंय हुंवारान भरिल्ली. मुंबयचो आशिल्ल्यान ताका उदकाची उमेद आशिल्ली. देखून ते उदक पळोवपाक त्या जाग्यार गेले. पूण उदकाचो अदमास काडूंक नाशिल्ल्यान तो सरकून प्रवाहांत पडलो आनी व्हांवून गेलो. ही घोडणी कांय काळा उपरांत हेर सहकाऱ्यांक दिसली. उपरांत ताणें बाबेल आलामेडा पंगडाक आपयलो.
तांचो सोद घेतलो. हे खेपे माडखोल धवडकी वाठारांतल्या न्हंयच्या पाटांत ताची कूड मेळ्ळी. सावंतवाडी पुलीस स्टेशनांत अचकीत मरणाची केस नोंद जाल्या. हे घडणुकेची म्हायती मेळ्ळ्या उपरांत आंबोली दुर्क्षेत्र हवालदार दत्ता देसाय, सहकारी मनीष शिंदे हांणी थंय धांवून पंचनामा केलो.
