मादई चेर आमाचो हक्क प्रस्थापित करपा खातिर आमी संघर्ष करतले: डॉ प्रमोद सावंत

उजवाड ब्युरो, बेळगांव : गोंयचे मुख्यमंत्री डॉ प्रमोद सावंत हांणी सांगलां की आमचे खातीर म्हादई ही गोंयची जिवीत रेखा आनी तीचेर हक्क प्रस्थापित करूंक सगळे यत्न जातले. तशेंच सर्वोच्च न्यायालय म्हादाई बाबतीत दोनूय राज्यांच्या हिताची राखण करपी निकाल दितले अशें सांगून आशा उक्तायल्या.
डॉ सावंत बिरेस्तारा बेळगावात आशिल्ले आणि ते उजवाड कडेन उलयताले.
“ म्हादई गोंय खातीर एक जिवीत वाहिनी आसा. आमचे खातीर पर्यावरण आनी पिवपाच्या उदका खातीर आनी मोनजातीचें संवर्धन आनी शेतवडी खातीर ताची गरज आसा, देखून गोंयांत म्हादईचो सतत प्रवाह आमचे खातीर गरजेचो आसा अशें डॉ सावंत हांणी सांगलें.
कर्नाटकाच्या डायव्हर्शनाची मागणी विशीं विचारलें तेन्ना डॉ सावंत हांणी म्हणलें, हो कर्नाटकाचो वेंचणुकेचो प्रस्न. “ कर्नाटकाक तो वेंचणुके खातीर मुद्दो आसूं येता, पूण आमकां ( गोंय) वेंचणुके खातीर मुद्दो न्हय, म्हादई हो जिवीत दिवपी स्रोत (जीवनदायनी) . देखून आमचें झूज सर्वोच्च न्यायालयांत आसा, जशें आमी केंद्रा कडेन झगडटात, PRAWAH (Progressive River Authority for Welfare and Harmony) कडेन. म्हादईचेर आमचो हक्क स्थापन करपा खातीर आमी कांयच उणे पडचे नात अशें डॉ सावंत हांणी स्पश्ट केलें.
फुडें उलयतना तांणी सांगलें की ही गजाल सर्वोच्च न्यायालयांत प्रलंबीत आशिल्ल्यान राष्ट्रीय वन्यजीव मंडळ परवानगी दिता तें परवानगी दितलें अशें म्हाका दिसता. “पिवपाचें उदक म्हत्वाचें आसलें तरी पर्यावरण आनी म्हादई वन्यजीव अभयारण्याचें संवर्धन लेगीत चड म्हत्वाचें. म्हादई प्रवाह प्रकल्प स्थळाचो अभ्यास करपाचो आसा. प्रवाहाच्या एका वांगड्यान प्रकल्पाच्या सुवातेर भेट दिल्या आनी आमी आमची केस संबंदीत प्राधिकरणाक खरपणान सादर केल्या. ताचो परिणाम खंयचोय आसूं, तो दोनूय राज्यांच्या हिताची राखण आनी फायदो जातलो अशें म्हाका दिसता..,” डॉ सावंत हांणी सांगलें.
गोंय मेरेनच्या जर्जर चोरला रस्त्या विशीं उलयतना डॉ सावंत हांणी सांगलें, केंद्रीय पृश्ठभाग येरादारी आनी राष्ट्रीय म्हामार्ग मंत्री नितीन गडकरी हांणी पयलींच चोरला वरवीं दोन लेन म्हामार्गाक मंजुरी दिल्या. पूण ताची अंमलबजावणी कर्नाटकाच्या रान खात्या कडल्यान मंजुरी घेवपाची गरज आशिल्ल्यान ताची अंमलबजावणी प्रलंबीत आसा. चोरला रस्तो दुप्पट करपाचें काम सुरू जातलें अशें स्पश्ट जाले उपरांत पावस सुरू जावचे पयलीं रस्तो दुरुस्त करपा खातीर एनएचएआय अधिकाऱ्यांक आनी कर्नाटकाच्या समकक्षांक समजावन सांगतले अशें डॉ सावंत हांणी सांगलें.
…………..
डॉ प्रमोद सावंत बिरेस्तारा बेलागवींत ‘द गोंय’ कडेन उलयतना
लुईस रॉड्रिगीस हांणी केला