कोरेजमा काळांत दर शुक्रारा नंदगड चमत्कारी खुरसाचे र विशेश कार्यावळी

उजवाड ब्यूरो: फेब्रुवारी 22 : संवसारभरांतल्या क्रिस्तांवांनी आयज एश बुधवार मनयलो, आहे तरेन 40 दिसांच्या लेंटेन हंगामाची सुरवात जाली. आयाज थावान प्रिथुमभर क्रिस्तांव उपास, तप आनी संयम हें कोरेजमा काळात पाळटात, जाल्यार हजारांनी भावार्ती नंदगड दोंगुल्लेचेर आशिल्ल्या इतिहासीक आनी चमत्कारी कुरसाचेर अंदू गर्दी करपाची अपेक्षा आसा.
बेळगांव थावन ३७ किमी अंतराचेर आशिल्ल्या चमत्कारी कुरसाक
दर शुक्रारा खाशेले धार्मिक आनी युकेरिस्टीक सेवा येवजल्यात. शुक्रार, फेब्रुवारी 24 सावन सुरू जावपी प्रार्थना सेवा दर शुक्रारा लेंटेन हंगामांत जातली.
१८८८ वर्सा बुबोनिक प्लेगापसून सांत्वन सोदपी नंदगडांतल्या पाद्री आनी कॅथलिकांनी स्थापन केल्या उपरांत चमत्कारीक खुरीस हो वाठारभरांतल्या आनी परदेशांतल्या हजारांनी यात्रेकरुंक आशेची आनी विसव घेवपाची सुवात जावन आसा. वर्सभर कितलेशेच यात्रेकरू खुरसाक भेट दितात, जाल्यार गुड फ्रायडे मेरेन लेंटेन हंगामांत हो आंकडो वाडटा.
कोविडान ग्रासलेल्या वर्सां उपरांत यात्रेकरुंचो आंकडो वाडता अशे नंदगड पॅरिशचे फादर शांतप्पा बोरकार हांणी सांगलें, बेळगांव आनी उत्तर कर्नाटक तशेच गोंय, महाराष्ट्र आनी केरळांतल्यान ह्या खूरसाक भेट दिवपी यात्रेकरुंचो आंकडो अंदु वाडपाची शक्यताय आसा.
विशेष म्हळ्यार दर शुक्रार 9.30 ते सांजे 4 वरा मरेन जावपी धार्मिक कार्यावळी कोंकणीत जातेल्यो.
हे विशीं अधिक म्हायती दितना फादर बोरकरान सांगलें की २४ फेब्रुवारी थावन १७ मार्च मेरेन खाशेली प्रार्थना सेवा जातली . प्रार्थना सेवांवेळार विशेष प्रार्थना आनी शरमाव करपी पाद्री अशे आसतले.
कारवार डायोसीजांतले फादर अर्बन फर्नांडीस 24-2- 2023, , शिमोगा डायोसिजांतले फादर फ्रँकलिन डी’सूजा 3 मार्च, ब्र प्रकाश डी’सूजा आनी मुंबयचे पंगड,10 मार्च, फादर रोमन पिंटो, शिमोगा, 17 मार्च, फादर रॉजर गुडिन्हो, गोंय 24 मार्च हांचो आस्पाव आसतलो.
शुक्रारा 31 मार्चाक बेळगाव डायोसीजींत पुराय दीस ‘डायोसेसन डे ऑफ रिपॅरेशन’ मनयतले अशें फादर बोरकरान सांगलें.
कोरजमा काळांत इतिहासीक चमत्कारीक खुरसाक भेट दिवन मानसीक आनी शारिरीक विसव घेवपाक ह्या वाठारांतल्या यात्रेकरुंक सांगतात.
…………
फोटो : बेळगाव लागसर नंदगड दोंगुल्लेचेर आशिल्लो इतिहासीक चमत्कारीक खुरीस.