उजवाड ब्युरो, 25 जानेवारी : कुसमळ्ळी पूल दोन मल्टी एक्सल ट्रकानी अडयल्यान बेळगांव आनी गोयांतल्या प्रवाशांक सोमारा राती त्रास सहन करचो पडलो. बेळगांव गोंय चोर्ला मार्गावयल्यान वचपी येरादारी सोमारा रातभर ठप्प जाल्ली. ब्रिटिशकालीन अरुंद आणि जीर्ण कुसमळ्ळी जुन्या पुलावयर दोन मल्टी एक्सल ट्रक अडकिल्ल्यान ही समस्या जाली.
प्रचंड येरादारी समस्या जाल्ल्यान, वाहनांक खानापूर जांबोटी रस्त्यान गोंय वचपाक पर्यायी मार्गान वयचे पडले. मंगळारा सकाळी मार्ग मेकळो करून गाडयांक वाट करून दिली.
गोंय आनी कर्नाटक अधिकाऱ्यांनी बंदी घातील्ली असतानायी ह्या मार्गावयल्यान मल्टी एक्सल गाडयो कशो धावतात, असो प्रश्न प्रवाशांनी उपस्थित केला. या मार्गावयल्यान व्हड गाडयांची येरादारी तात्काळ थांबोवपाची गरज आसा. पूल नादुरुस्त आनी जीर्ण जाल्ल्यान ताची रोकडीच पुनर्बांधणी करप गरजेचे आसा.
