कोल्हापूरांत जातीय आडमेळीं मोडून भगवान गणेशाची स्थापणूक

▪️ कोल्हापूर हें जगांत प्रगतीशील विचारांचें व्हड थळ असल्याचे दिले दाखोवन

♦️कोल्हापूर:

छत्रपती राजर्षी शाहू महाराजाचें कोल्हापूर संवसारांत व्हड आसा हातूंत दुबाव ना. मंगळार पेठच्या राधाकृष्ण भक्त मंडळान गणपतीचो एक देखावो तयार केला, जो आयजमेरेन महाराष्ट्रांत आनी पुराय भारतांत कोणेंच पळोवंक ना. श्रीकृष्णाच्या रुपांत गणपति बाप्पा खुर्सावायल्या जेजू क्रिस्ताच्या घायांचेर मलम पट्टी करून मोग, दया, शांती आनी समता हांचो मोगाचो श्वास घालपी हो देखावो भक्तांक आकर्षण थारला.

♦️भारत भूमि ही विंगड विंगड पंथ, संप्रदाय, धर्मीक विचार, समृध्दी आनी विविधताय हांणी भरिल्ली भूंय. भारतीय संविधानांतलें “धर्मनिरपेक्ष” हें मोल मान्य करून सगळ्या धर्मांक आनी पंथांक समान न्याय मेळ्ळा. ह्या मोलाक आदर दिवन नामनेचो चित्रकार श्री वासुदेव कामत हाणें श्रीकृष्णाचेर आदारिल्ल्या चित्रांवरवीं समाजीक प्रतिबध्दताय तिगोवन दवरपाचो यत्न केला.

♦️अंदूं राधा कृष्ण भक्त मंडळान हे कलाकृतीचेर आदारून आनी कोल्हापूर शाराच्या प्रगतीशील विचारांक पाळो दिवन “श्री” ची मूर्त तयार केल्या, जी शिव छत्रपती आनी राजर्षि शाहू महाराज हांच्या विचारांचें दायज सांबाळटा. उल्लेख केल्ल्या कलाकृती वरवीं धर्मीक आनी समाजीक एकचार म्हळ्यार ‘धर्मनिरपेक्ष’ मोल सांबाळपाचो संदेश दिवपाचो यत्न मंडळान केला.

♦️उत्सव समितीचो अध्यक्ष शिरीश पाटील, उपाध्यक्ष आशीष धोबले, केशव पांडेय, सुशांत धोबले, विशाल करांदे आनी इंद्रजीत भोंगले ह्या सगळ्यांनी ह्या विशेश देखाव्या खातीर कश्ट केल्यात. ह्या आगळ्या वेगळ्या गणपतीचे दर्शना खातीर भक्तांची गर्दी वाडत आसा.