उजवाड ब्युरो, खानापर: बिडी, ता.खानापूर हांगाचे मानेस्त आनी तालुक्यांतले लोकप्रीय व्यक्तीमत्व जॉन इतोरीन लोबो (69) हे आयज 15 डिसेंबर संवसाराक अंतरले. तांची भलायकी बरी नाशिल्ल्यान तांका बेळगांवच्या लेकव्ह्यू हॉस्पिटलांत दाखल केल्ले. पूण उपचाराचो उपेग जावंक नां.
मानेस्त जॉन इतोरीन लोबो हांणी नेहरु पदवीपूर्व महाविद्यालय आनी हायस्कूल बिडीचे आदले चेअरमन आनी आताचे संचालक, खानापूर तालुका ख्रिश्चन मायनॉरीटी सोसायटीचे संचालक, बिडी मंडळ पंचायतीचे आदले अध्यक्ष, तालुका पंचायत सदस्य, खानापूर भाग्यलक्ष्मी साखर कारखान्याचे आदले संचालक अशा कितल्याशाच पदांवयीर वावुर केल्लो. तांच्या वचन्यान गोरगरिबांचो आदार ना जालो. तांच्या फाटल्यान घरकान्न, दोग पूत, एक धूव, सुनो, जांवय, नातरां, दोग भाव असो परिवार आसा.
इंतेराचे मीस आयज ता.15 डिसेंबर दनपारा 3.30 वारार बिडी हांगा जातले.