उजवाड ब्युरो : एका इतिहासिक घटनेंत आयज कारवार नगरपलिकेन शारांत कोंकणी भाशेचे बोर्ड लावपाचो थाराव एकमतान पास जालो. हांगा चडशे लोक कोंकणी भाशिक आसात ह्या खातीर कन्नड इतलीच कोंकणी भास म्हत्वाची आसा , अशें मत नगरसेवकानी उक्तायले. हो थाराव आता कर्नाट्क सरकाराक धाडटले आनी फ़ुडली दिशा थारायतले, अशें थारले.
कांय दिसां आदी कारवार शारांत देवनागरी भाशेंत लायिल्ले कोंकणी बोर्डांक कन्नड वाद्यांनि काळे फ़ाशिल्ले। ह्या कृती विरुद्ध कोंकणी भाशिकांनि एक भव्य मोर्चा काडिल्लो। त्या उपरांत कन्नड वेदिकेच्या गुंडांविरोधांत केस नोंद जाल्या.
News Views: 696