उजवाड ब्युरो , बेळगाव : कर्नाटक काँग्रेसचे वरिष्ठ नेते, आदले विधान परिषद सदस्य आणि अखिल भारतीय काँग्रेसचे महासचिव मा. आयव्हन डिसोजा हांणी आयतारा बेळगांवच्या बिशप हाऊस हांगा बिशप डेरिक फ़र्नांडीस हांची भेट दिली. ह्या वेळार तांणी बेळगांव आणि कारवार दियोसीज मदल्या क्रिस्तावांची विचारपूस केली. तसेच हेर किते समस्या असात हाचेर भासाभास केली. कर्नाटक सरकार तर्फे जे धर्मांतर विरोदी विधेयक जावंचे असा ताचेवयर चर्चा करून आपल्या पक्षाचो आनी काँग्रेस आमदारांचो विरोद उक्तायलो. येवंच्या हिवाळी अधिवेशनात काँग्रेसतर्फे आमी ह्या विधेयकाक खर विरोद करतल्यांव, अशी भास तांणी दिली.
ह्यावेळार बिशप डॉ. डेरिक फर्नांडिस, बी.डी. एस. एस. चे सचिव फा. नेल्सन पिंटो, दियोसिजीचे जनसंपर्क सचिव लुईस रॉड्रिग्ज, बिस्मसायबांचे आप्त सचिव फा. प्रमोद, फा. फिलीप कुट्टी आनी काँग्रेसचे पदाधिकारी हजर आसले.
बेळगावांत १३ डिसेंबर थावन जावपी विधान भव्नाच्या हिवाळी अधिवेशनां दरम्य़ान राज्र्यांतले वेगवेगळ्या पंथांचे क्रिस्तांव एकटाय येवन बेळगांव विधान भवना सामकार धर्मांतर विरोदी विधेयका विरोधांत करतले उपवास सत्याग्रह करतले अशेय ताणी सांगले.