उजवाड ब्युरो, बेळगांव: धारवाड एसडीएम कॉलेजांतल्या 66 विद्यार्थ्यांक कोरोनाची लागण जाल्ली, पूण आता थंयसर परते 116 विद्यार्थी कोरोना पॉझिटिव्ह जाल्यात.
एकूण 690 विद्यार्थ्यांची आरटीपीसीआर चाचणी जाली. तांतुतले 116 विद्यार्थी कोरोना पॉझिटिव्ह मेळले. एकूण 182 विद्यार्थी कोरोना पॉझिटिव्ह मेळिल्ल्यान जिल्हा प्रशासनान कॉलेजचे हॉस्टेल सिलडाउन केला.
आनी एककडे बेंगळुरांत एका खासगी शाळेंतल्या 37 जाणांक कोरोना जाला. सजापूर रस्त्यावयल्या खासगी शाळेंतले 33 विद्यार्थी आनी ४ शाळा कर्मचारीं कोरोना पॉझिटिव्ह जाल्यात.
पावसाच्या भिरांतेउपरांत कर्नाटकांत आता परतून कोरोनाची भिरांत निर्माण जाल्या.
