उजवाड ब्युरो बेळगाव – जानेवारी १५ : गोंयांथावन कर्नाटकात येता आसताना वासिनाचे दोन डोस घेत्तील्ले सर्टिफिकेट बरोबर RTPCR रिपोर्टही सक्तीचो केल्ल्यान गोयांथावन येताना अनमोड चेकनाक्यावयर खर तपासणी जावंक लागल्या. तेचत भाशेन कणकुंबी हांगाच्या चेकनाक्यार लेगीत गोयाथावन कर्नाटकांत येवपी वाहनांची खरा तपासणी जावंक लागल्या. कायद्या परमाणे हलक्या प्यासेंजर वाहना आनी अवजड वाहनांक लेगीत RTPCR सक्तीचे आसा, पूण गरजेवंत वस्तुंची वाहतूक करपी वाहनांक हातुंतल्यान सूट दिल्या.
महाराष्ट्रातल्यानं कर्नाटकात येवपी प्रवाशांची लेगीत कसून तपासणी जावंक लागल्या. तांकांय RTPCR सर्टिफिकेट बंधनकारक केला.
बीरेस्तारा थावन गोय – कर्नाटक शिमेर वाहनांच्यो रांगो लागिल्ल्यो दिश्टी पडुंक लागल्यात . ड्रॉयव्हरान दोन डोस घेतिल्ल्या अवजड वाहनांक जोयडा तहसीलदारान RTPCR रिपोर्ट पासून वगळले. पुण ल्हान वाहन धारकांकडे दोन डोस बरोबरच RTPCR नाशिल्ल्यान कार आनी हेर वाहनांक कर्नाटक पोलीस परते धाडुक लागल्यात. ह्या वेळार रामनगर पोलीस स्थानकाचे उपनिरीक्षक विनोद रेड्डी तेच भाशेन खानापूर चे पोलीस निरिक्षक शिंगे हाणी आपून सरकारच्या आदेशाचे पालन करत आसल्याचे सांगले . गोयांथावन कर्नाटकात येतासताना दोन डोस वांगडाच RTPCR रिपोर्ट पळोवनच मुखार वचुंक समत्ती मेळतली. ना जाल्यार वापस फाटी वयचे पडतले, अशेय सांगले.
दरम्यान कर्नाटकांत फाटल्या हप्त्या थावन कडक विकेंड कर्फ्यू (लोकांडावंन) सुरु आसा. शुक्रार राती थावन ते सोमार सकाळी ५ वरामेरेन कडक विकेंड कर्फ्यू सुरू आसा. वैजकी आनी अत्यावश्यक सेवा वगळून सगळी बाजारपेठ बंद आसा.
