आर्थिक सायबर फ्रॉड जाल्यार बेगीन कळयात : तक्रारदारांचे रु 88,10,347 खातेदारांक केले परत

उजवाड ब्युरो :  बेळगांव शार सी.ई.एन. पोलीस ठाण्यांत फाटल्या एक वर्साथावण एकूण 1309 प्रकरणांतल्या आर्थिक सायबर फ्रॉड प्रकरणांत तक्रारदारांच्या रु. 2,45,37,052 दुडवांच्या प्रकरणांत चौकशी करून तक्रारदारांचे रु.88,10,347 खातेदारांक परत केल्यात. ह्याशिवाय रु. 1,44,99,003 रक्कम तक्रारदारांक परत करचे कार्य सुरू आसा.
सायबर क्राईमांत जांचे पैशे गेल्यात तांणी आपले बँक डिटेल आनी वैयक्तिeक डिटेल दिवन GOLDEN HOUR वेळार बेळगांव शार C.E.N. पोलीस ठाण्यांत तक्रार दिवंची. हे साध्य जावंक ना जाल्यार 112 ना जाल्यार सी ई एन अपराध पोलीस स्टेशन फोन नंबर 0831 2950320 वयर जाईत तितल्या बेगीन तक्रार दियात तसेच आपली बँकेक लेगित कळयात, अशें पोलीस उपायुक्त कायदो आनी सुव्यवस्था दोतोर विक्रम आमटे हाणी कळयला.