उजवाड ब्युरो, बेळगाव: हलगा-मच्छे बायपास रस्त्याचे काम वेगान सुरु आसले तरी हाच्या विरोदात शेतकरी लेगित ठाम आसात. आयज सकाळी हलगा-ब्रिज लागी शेत आसलेल्या शेतकऱ्यानी आक्रमक भूमिका घेवन आंदोलन केले.
फाटल्या ब्रेस्तारा व्हड पुलिस बंदोबस्तात मच्छे शेतांतल्यान सुरु आसलेले बायपासचे काम अनगोळ शेतीमेरेन पोचला. आता हे काम वेगीनच हलग्याचे दिशेन वचत आसा. हाका लागून हलगा ब्रिज लागी शेतकऱ्यांनी आक्रमक भूमिका घेवन आंदोलन केले. शेतकऱ्यांनी हलगा-मच्छे बायपास संदर्भात अधिकृत अधिसूचना आनी वर्क ऑर्डर दाखोवपाची मागणी केली. हाका लागून शेतकरी आनी अधिकाऱ्यांत वादावादी जाली. प्रचंड पुलिस बंदोबस्ताक लागोन शेतकरी हतबल जाल्यात. बायपासच्या कामाक शांततेच्या मार्गान विरोद कायम दवरपाचो निर्धार शेतकऱ्यांनी केला.
News Views: 732