उजवाड ब्युरो: गोंयचे माजी सांस्कृतिक मंत्री आनी कला अकादमीचे अध्यक्ष गोविंद गावडे हे ब्रेस्तार दिसा कार्यावळीक मुखेल सोयरे म्हूण हाजर आसलें. ह्यावेळार उजवाड परिवाराच्यावतीन तांचो भोवमान करण्यात आयलो. उजवाड म्हयनाळ्याच्या माध्यमांतल्यान फाटली 24 वर्सा सुरु असलेल्या कोंकणी भास, कोंकणी संस्कृती आनी कोंकणी मोग्यांच्या सेवेची तांणी तोखणाय केली. कलाश्री बंब आनी स्टील फर्निचरचे संचालक प्रकाश डोळेकर हांचेही ह्यावेळार अभिनंदन करण्यात आयलें.
मा.गोविंद गावडे हे हांगाच्या फामाद कलाश्री बंब उद्योग समूहाच्या रुप्या सुवाळ्याक मुखेल सोयरे म्हूण हाजर आसले, ह्यावेळार उजवाड परिवारावोरवी संपादक लुईस रॉड्रीग्स, गिरगोल रॉड्रीग्स, आल्फ्रेड ब्रिटो, डांटस फामिल आनी मिनीन गोन्साल्वीस हांणी तांका फुलातुरो आनी शॉल दिवन येवकार दिलो. तसेच तांका उजवाड अंक आनी निवेदन दिले. ह्या वेळार लुईस रॉड्रीग्स हांणी गोविंद बाब उजवाडच्या 20 वर्सापुर्ती सुवाळ्याक हाजर आशिल्ले हाचो उल्लेख करून कोंकणी भास आनी उजवाडाक लाभिल्लो तांचो मोलादीक सहकार हाचेबद्दल ते उलयले. आपल्या उलोवपांत गोविंद गावडे हांणी उजवाडच्या कार्याची तोकनाय केली.
