गडहिंग्लज : आयएएस वो राज्य थरावयले प्रशासकी तशेच पोलीस अधिकारी जावपाची महत्त्वाकांक्षा आशिल्ल्या भुरग्यां खातीर एक खुशाल खबर आसा. गडहिंग्लज तशेच महाराश्ट्रांतल्या जिल्ह्यांत पयलेच स्थापन जावपी गडहिंग्लज सरकारी स्पर्धात्मक परिक्षा केंद्र मार्गदर्शक थारतलें. हें केंद्र इतलें समृध्द करचें की पुराय महाराष्ट्रांतल्यान विद्यार्थ्यांनी ह्या केंद्रांत गर्दी करची अशें मत कोल्हापूर जिल्ह्याचे पालक मंत्री हसन मुशरीफान केलें. साधना एज्युकेशन सोसायटी गडहिंग्लज – पालक मंत्री हसन मुशरीफ आनी जिल्हा परिशद शिक्षण खात्याच्या प्रयत्नांतल्यान साकार जाल्ल्या सर्तीच्या परिक्षा अभ्यास केंद्र इमारतीचो भूमिपूजन सुवाळो मंत्री हसन मुश्रीफान केलो. त्या प्रसंगाचेर ते उलयताले . साधना एज्युकेशन सोसायटीचे अध्यक्ष चंद्रकांत गुजर हांणी ह्या कार्यावळीचें अध्यक्षपद सांबाळलें.
गडहिंग्लज: हांगाच्या स्पर्धात्मक परिक्षा अभ्यास केंद्राच्या इमारतीच्या भूमिपूजन सुवाळ्या वेळार मंत्री हसन मुश्रीफ, सतीश पाटील, जे. बी. बार्देस्कर आनी हेर मानेस्त.
ह्या संदर्भार सुमार साडेचार कोटी रुपया खर्च करून हें स्पर्धात्मक परिक्षा मार्गदर्शन केंद्र स्थापन करतले अशें मुश्रीफान सांगलें. हें अभ्यास केंद्र गरीब कुटुंबांतले चले आनी चलयो वापरतले. देखून साधना शिक्षण संस्थेन ह्या केंद्रा कडेन खासा लक्ष दिवचें. ताका लागून पुणे कडेन वचपी विद्यार्थ्यांचो प्रवाह हांगा वळोवंक जाय. सुख आनी समृध्दी आयिल्ल्या सुवातेर आयएएस आयपीएस अधिकाऱ्यांची टक्केवारी देंवता असोय दुख्ख मंत्री मुशरीफान उक्तायला.
संस्थापक सचीव जे. बी. बार्देस्कर हाणी मुशरीफ हांका धिनवास दिलो. येवकार एम. डी. पाटीलान केलें. सतीश पाटीलान आपलो हुस्को उक्तायलो.
प्रांतीय अधिकारी एकनाथ काळबोंडे, तहसीलदार ऋषिकेश शेळके, गट विकास अधिकारी संतोष नागटिळक, गट शिक्षण अधिकारी नवलकुमार हलबगोळ, फिलॉन बार्देस्कर, किरण कदम, सुरेश कोळकी, वसंतराव यमगेकर, हेमंत कोलेकर, डॉ. पाटणे, सिद्धार्थ बन्ने आनी हेर हाजीर आशिल्ले. अरविंद बार्देस्कर हांणी उपकार मानले.
हे केंद्र दोन टप्प्यांनी सुरु जातले. पयलीं लायब्ररी आनी अभ्यासिका एक वर्सभरान जातेली आनी दुसरया टप्प्यांत दोन वर्सांनी 50 चेडे आनी 50 चेडवां खातीर रावपाची सोय जातेली अशी म्हायती अरवींद बारदेस्कर हाणीं दिली. महाराश्ट्र सरकार तर्फे सुरु जावपी ह्या केंद्राचे संचालन आनी व्यवस्थापण साधना संस्थेकडेन आसतले.