(संग्रहित फोटो)
उजवाड ब्युरो, ता.8: हरेका वर्साप्रमाण ह्या वर्सा लेगित सांत फ्रान्सिस शावेराच्या फेस्ताखातीर गडहिंग्लज ते पोरणे गोंय पदयात्रा जतेली.गडहिंग्लज आनी वाठारांतल्या हेर गावांतले भावार्ती ह्या पदयात्रेंत सामिल जातात. गोंयच्या पदयात्रेची सुरवात सर्गेस्त फादर प्रभुधर हांणी 1980 वर्सा आजराथावन केल्ली.
पदयात्रेची कार्यावळ अशी आसा,
- सोमार 28 नोव्हेंबर 2022 दनपारा 2.30 वा. सांत अँन्थनी इगर्ज, गडहिंग्लज हांगा मागण्यां उपरांत पदयात्रा सुरु जातली. सांत फ्रान्सिस इगर्ज, नेसरी हांगा वस्ती.
- मंगळार 29 नोव्हेंबर 2022 सांत जोसेफ इगर्ज, हेरे हांगा वस्ती.
- बुधवार 30 नोव्हेंबर 2022 भेडशी हांगा
- ब्रेस्तार 1 ची वस्ती आवर लेडी ऑफ ग्रेस इगर्ज, बिचोली .
- शुंक्रार 2 डिसेंबर 2022 सकाळी 11 वा. पोरणे गोंय हांगा न्हंय देगेर वास्को डी गामा कमानी लागी सगळ्यांनी एकटांय जावप आनी हेर कार्यावळी असतल्यो.
आजरा, कोल्हापुर, इचलकरंजी, चंदगड, खानापूर, बेळगाव अशें घाटमाथो प्रदेशांतल्यान हजारावयर भावार्ती पदयात्रेंतल्यान गोंय पावतले असो अंदाज आसा.
- अदिक म्हायतीखातीर फादर ज्यो मंतेरो, पॅरिश प्रिश्ट गडहिंग्लज हांका मो. 9422859940 वयर संपर्क करचो.
