उजवाड ब्युरो, बेळगांव : गडहिंग्लज पॅरिशांतल्या माध्याळ गावचो सुपूत आनी नामनेचो जेजविट पाद्री फादर सायमन फर्नांडिस हांची बेळगावच्या सेंट पॉल्स हायस्कूलचे प्रिन्सिपॉल म्हूंण 3 जून दीसा नेमणुक जाल्या. फादर सावियो आब्रियो हांच्या सुवातीर फादर सायमनची ही नेमणुक जाल्या. गोंय प्रोव्हीन्साचे प्रोव्हीनशियल फादर पेद्रो रॉड्रिग्ज हाणी ही नेमणूक केल्या.
24 सप्टेंबर 1970 ह्या दिसा महाराष्ट्रांतल्या कोल्हापूर जिल्ह्यांतल्या माध्याळ जल्मल्लो फादर सायमन फर्नांडीस जेज्वीट मिशनरी सर्गेस्त फादर देवसिया वेल्लापनी आनी फादर प्रभुधर हांचे प्रेरणेन पाद्री जालें.
सुरवातीचचे शिक्षण ताणी सन्मित्र मित्रा विद्यालय, रोझरी इंग्लीश हायस्कुल, आजरा , साधना विद्यालय आनी ज्युनियर कॉलेज गडहिंग्लज हांगा जालें.,
1989 वर्सा मिरामार-गोंयच्या लोयोला हॉल हांगा ताणीं जेजविट जीविताचो प्रवास सुरू केलो आनी उपरांत नाशिक आनी देसूर हांगा नॉव्हिशिएट शिक्षण घेतलें. पाटणांत ताणीं ज्युनियरेट केले आनी बेळगांवच्या राणी पार्वती देवी महाविद्यालयांतल्यान बी.ए. पुराय केले.
तत्वगिन्यानआनी धर्मशास्त्रीय अभ्यास पुण्यांतल्या डीनोबिली कॉलेजींत जालो आनी 29 डिसेंबर 2002 ह्या दिसा तांची ओड्द जाली.
फादर सायमनान पुणे विद्यापिठांतल्यान समाजशास्त्रांत पदव्युत्तर पदवी (2003) आनी मुंबय विद्यापिठाच्या निर्मला निकेतनांतल्यान समाजीक वावरांत पदव्युत्तर पदवी (2006) मेळयल्या. अहमदनगरांतल्या सोशल सेंटरांत तांणी मोलादिक काम केलें, उ,कोरेगाव (भिमा) हांगा उदकाच्या यशस्वी प्रकल्पांचें फुडारपण केलें आनी 2006 वर्सा कोरेगावान फादर सायमन च्या कष्टाक लेगून आदर्श गांव पुरस्कार मेळयलो.
2007 वर्सा तांणी उत्तर गोंयांतल्या समाज उदरगतीचेर लक्ष केंद्रीत करून स्वदेस संस्था स्थापन केली आनी सेझ सेझ SEZ आड जैतिवंत कायदेशीर झूज सयत वेगवेगळ्या समाजीक चळवळींत वांटो घेतलो. तशेंच ताणी सेंट. ब्रिटो हायस्कुल, मापुसा, स वर्सां चेअरमन , डॉन बॉस्को कॉलेजींत व्हिजीटिंग प्रोफेसर आनी ग्लोबल इग्नेशियन अॅडव्होकेसी नेटवर्काचो वांगडी जावन आसा.
ताच्या पर्यावरणीय पुरस्कारांत ‘इकोबड्स’ कार्यावळ आनी जागतीक शिखर सभांनी वांटो घेवप हांचो आस्पाव जाता. उदका इक्विटी आनी बायोगॅस प्रसाराचेर ताणें म्हत्वाचें संशोधन केलां. फादर सायमनान जेजुईत हाऊस पणजी चो (2019) सुपीरियर जावन वावर केला आनी सेंट पॉल्स जेजुईट कम्युनिटी, बेळगाव चो रेक्टर तसेच सेंट पॉल्स हायस्कूल आनी ज्युनिअर कॉलेजचो मॅनेजर म्हूंण 2023=थावन वावरता.
सायमनाक क्रिकेट, सॉकर, वाचन, अभिनय, पोंवप आनी विंगड विंगड समाजा कडेन संबंदीत रावपाची आवड आसून, वंचित आनी पतीत लोकांची सेवा करपाची ताची वचनबद्धताय वाखाणणी करपा सारकी आसा.
