बंगालच्या खाडींतल्या Mandous चक्रीवादळान तमिळनाडूक धपको दिल्ल्यान ते ना जाला. पूण दुसरे वटेन दक्षिण अंदमान लागसार बंगालच्या खाडींत चक्रीवादळाची वाऱ्याची परिस्थिती तयार जातली आनी हवामानांत सतत बदल जाल्ल्यान आयज सोमार आनी फाल्यां मंगळारा कांय जिल्ह्यांनी मध्यम ते चड पावस पडपाची शक्यताय आसा. चक्रीवादळाच्या परिणामाक लागून वाऱ्याचे दिशेंत आनी वेगांत फरक पडटा. हाका लागून अरबी दर्या, केरळ आनी कर्नाटक दर्यादेगांचेर खर वारें येतलें.
वाऱ्याचो वेग वराक 55 किमी रावतलो. ताका लागून भारतीय हवामान खात्यान नुस्तेमारांक दर्यांत साहस करचे न्हय अशें आवाहन केलां. मजगतीं, हवामानांतल्या बदलाक लागून उण्यांत उणें तापमानांत व्हडलोसो बदल जावचो ना अशें हवामान खात्यानय सांगलां.
कितें जातलें?
हें चक्रीवादळ विसर्जीत जालां आनी परतून 13 डिसेंबराक केरळ-कर्नाटक शिमेचे दर्यादेगेर अरबी दर्यांत जमीनीचेर पावतलें. आनी ताचें रुपांतर उण्या दाबाच्या वाठारांत जावन ते अस्तंतेवटेन वेतलें.
13 डिसेंबराक बंगालच्या खाडींतल्या दक्षिण अंदमान लागसार परतून चक्रीवादळ वाऱ्याची परिस्थिती तयार जातली. हीच प्रक्रिया परतून सुरू जावं येता, विदर्भ सोडल्यार मुंबय सयत कोंकणांतल्या चार आनी मध्य महाराष्ट्रांतल्या 10 जिल्ह्यांनी (खांदेश, नाशिक ते सांगली सोलापूर) आयज सोमार आनी फाल्यां मंगळारा मध्यम ते व्हड पावस पडपाची शक्यताय आसा. अशें हवामान खात्यान कळयला.