उजवाड ब्युरो: मुळावे गडहिंग्लज आनी महाराष्ट्र विक्री कर खात्याचे सह आयुक्त डॉ डेव्हिड आल्वारिस हांची महाराष्ट्र विक्री कर खात्याचे न्यायाधिकरणाच्या (Maharashtra Sales Tax Tribunal) (एमएसटीटी) तंत्रीक वांगडी पदाचेर दोन वर्सां खातीर सन्मान निय आनी अभिमानास्पद निवड जाल्या. एमएसटीटी ही राज्यांतली कर मळावयली सगळ्यांत उच्च अशी शासकीय संस्था आसा.
मुंबय, पुणे आनी नागपूर हांगा आशिल्ल्या राज्यांतल्या सगल्या 8 खंडपिठांनी राज्य पांवड्यार एसए आनी कराचे प्रस्न थारावपाक ताचे कडेन अधिकार आसात. खंडपिठार एक जिल्लो न्यायालय पातळेचो न्यायाधीश आनी एक कर प्रकरणांतलो तंत्रीक तज्ञ अशे दोन वांगडी आसतात. हें एक प्रतिश्ठीत पद, जंय न्यायालयांत राज्य कर आयुक्ताच्या पांवड्या मेरेन सकयल्या अधिकाऱ्यांनी दिल्ल्या आदेशांक लागून अपीलदाराक त्रास जाता अशा गजालींचेर निर्णय घेवचो पडटा. न्यायालयाच्या निर्णयांक मुंबय उच्च न्यायालयांत आनीक आव्हान दिवंक मेळटा. राज्य कर सेवांतलो दरेका अधिकारी ह्या उंचेल्या प्रतिश्ठीत पदाचेर येवपाक आशेतात.
