उजवाड ब्युरो, बेळगाव: क्रिस्तांव पाद्री, धर्मगुरु हांणी वोगेपणी आपले आपूण इगर्जींत प्रार्थना करत रावल्यार पुरो. तांणी हिंदूंचे धर्मांतर करचे बंद करुंक ना जाल्यार मेळतात थंयसर तांका मारचे पडटले, असो इशारो श्रीराम सेनेचे संस्थापक प्रमोद मुतालिक हांणी दिला. ब्रेस्तारा पत्रकारांकडे उलयताना तांणी हे सांगलें.
धर्मांतर हे गंडांतर जावंच्या आदी राज्य सरकारान धर्मांतर निशेध कायदो लागू करुंक जाय, अशें तांणी म्हळें. धर्मांतर विरोदी कायदो लागू करच्यापसत आमी मुखेल मंत्र्याक निवेदन दिला. सद्या अंमलात अशिल्ल्या धर्मांतर निशेध कायद्याचो अभ्यास करुन बेळगावांत जावंच्या अधिवेशनांत नवीन कायदो करतल्यांव, असो भरवसो मुख्यमंत्र्यांनी आपणाक दिला, अशें तांणी सांगले.
अशिक्षीत, गरीब लोक ह्या आदी धर्मांतर करताले. पूण आता ब्राम्हण, लिंगायत, कुरबर, नायक समाजाचे लोक धर्मांतर करीत आशिल्ले पळोवन दु:ख जाता अशें तांणी म्हळें. कर्नाटकांत
येसीबी धाडींत मेळिल्ल्या भ्रश्ट अधिकाऱ्यांक फाशी दिवंक जाय नाजाल्यार तांका लायनीत उबें करुन बंदुकीच्यो गोळ्यो घालूंक जाय अशें तांणी सांगले.
