उजवाड ब्युरो: द्रीय रस्तो येरादारी मंत्री नितीन गडकरी सोमार 28 फेब्रुवारीक बेळगावांत येतले. तांचे हस्तुकी साखळे-चोर्ला-जांबोटी मार्गाच्या रुंदीकरण कामाक सुरवात करतले. हो सद्याचो 5.5 मीटर रस्तो 7 मीटर रुंद करतले. ताका लागून येरादारी सुरळीत जातली. गडकरी हांचे हस्तुकीं 3,972 कोटी रुपया खर्चाच्या बेळगांव-गोवा ह्या 238 किलोमीटर महामार्गाच्या कामाचो बुन्यादी फातोर बसयतले.
बेळगांव-संकेश्वर ह्या स पदरी आनी 40.7 किलोमीटर लांबायचेच्या रस्त्याचें 1,479 कोटी रुपये खर्च करुन काम करतले. गडकरी ह्या कामाक लेगित सुरवात करुन दितले. मुरगंडी ते विजयपुरा, सिद्दापूर ते विजयपुरा रस्त्याच्या कामाक सुरवात करुन दितले अशें बेळगांवची खासदार मंगला अंगडी हांणी पत्रकारांक ही म्हायती दिली. बेळगाव रिंग रोड प्रकल्पाच्या कामाक सुरवात करपाची विनवणी नितीन गडकरी हांका केल्या अशें तिणे सांगलें.
रस्तो बांदकामाचो बुन्यादी फातोर बसोवपाचे कार्यावळीक कर्नाटकाचे मुख्यमंत्री बसवराज बोम्मई, केंद्रीय संसदीय वेव्हार मंत्री प्रल्हाद जोशी, कर्नाटकचे बांदकाम मंत्री सीसी पाटील तशेंच राष्ट्रीय महामार्ग प्राधिकरणाचे अधिकारी हाजीर रावतले अशें मंगला अंगडी हिणे सांगलें.