भोसगाळीच्या जाण्ट्या बायलेचे अपघाती मरण

खानापूर: हांगाथावन 4 किमी चेर आशिल्ल्या भोसगाळी गावच्या सांतू फ्रान्सीस शेरांव (60) ह्या आंकवार बायलेक मलप्रभा न्हयेंत बुडून मरण आयले अशी म्हायती खानापूर पोलिसांनी दिली. 5 सप्टेंबराक खानापूर पोलीस स्टेशनांत सांतू बेपत्ता आसल्याची तिच्या घरच्यांनी तक्रार केल्ली. खानापूर पोलिसांनी सांगल्या परमाण सांतुची कूड 9 तारकेर सकाळी खानापूर लागी मलप्रभा न्हयेच्या देगेर काटयांनी अडकून रावल्याचे दिश्टी पडले. प्राथमिक चौकशी उपरांत आनी पोस्टमॉरेटेम केल्या उपरांत पोलीसांनी तिची कूड फामीलीकडेन सुपुर्द केली.