उजवाड ब्युरो, 23 नोव्हेंबर : बेळगुंदीचो गिल्बर्ट बस्तु डायस (५६) देवाधीन जालो. ताणे बेळगुंदी शेजारच्या शेतांतल्या भायेंत उडी घेवन जिवीत सोंपयले. गिल्बर्ट हो मंगळार, २१ नोव्हेंबर थावन घरांतल्यान बेपत्ता आसलो. तेन्नाथावन गावकऱ्यांनी २४ x ७ सोद मोहीम सुरु केल्ली. आयज सकाळी ताच्यो व्हाणो भांयेकुशीन दिश्टी पडल्यो. पोलिसांनी आयज १२.३० दरम्यान ताची कूड भायर काडली.
गिल्बर्टच्या फाटल्यान बापूय, घरकान्न, एक धूव, एक पूत असो परिवार आसा. जॅकी, मनवेल, पियेदात, आवेलीन आनी लिना हांचो तो भाव आसलो. ताच्या ह्या अचानक वचण्यान डायस फामिलीचेर आनी बेळगुंदी गावाचेर दुख्खाचो दोंगर कोसळ्ळा. एक कर्तुत्वान, कश्टी आनी सरळ साद्या सभावाचे व्यक्तिमत्व लाभिल्लो गिल्बर्ट सगळ्यांमदें प्रीय आसलो. इगर्जींत आनी समजांत तो खूब उमेदीन वावरतालो. उजवाड परिवार ताच्या आत्म्याक सासणाचो विशेव मागता आनी ताच्या फामिलीक घटाय मेळची म्हूण देवालागी मागता.
