बेळगांव जिल्ह्यातल्या बिडी हांगा जल्मल्ल्या ह्या भुरग्यान फुटबॉल खेळांत घेतली मळबां उडना, देशातल्या टॉप टीम्स खातीर जाली निवड
उजवाड ब्युरो, सप्टेंबर १४ : मुंबय एफसीन आयएसएल आनी एएफसी सीएल ह्या दोनूय पंगडांत फ्रँकलिन रॉबीन नाझारेथ ह्या मुळावे खानापूर तालुक्यातल्या बिडी हांगाच्या आनी सध्या पुणे रावपी तरणाट्याची नीवड केल्या. खानापूर तालुको आनी बेळगाव जिल्ह्याच्या कोंकणी समाजाचे आनी खेळा क्षेत्राखातीर ही एक अभिमानाची गजाल आसा.
दोन सप्तकां आदीं मुंबय सिटी एफसी आनी इंडियन नेव्ही हांचे मदीं जाल्ले सिडेड ड्युरंड चषक मॅचींत बेंगळुरूंत जाल्ल्या इंडियन सुपर लीग हंगामाच्या 78व्या मिनटार 19 वर्सां पिरायेचो फ्रँकलिन नाझरेथ मैदानाचेर धांवलो. ग्रेग स्टिवर्ट आशिल्लो हो तरणाटो खेळगडो आयलँडर्सपासोत मिडफिल्डर म्हूण पदार्पण करतालो फ्रँकलीनान ह्या आपल्या पंगडाक 4-0 अशी जैत मेळोवंक दिवच्याक जबरदस्त खेळ केलो.
मुंबय सिटी एफसी पंगडांत खेळपी खेळगडो फ्रँकलिन नाझरेथ
खानापूर तालुक्यांतल्या बिडी हांगा जल्मल्ल्या फ्रँकलिनाचें नांव मुंबय सिटी एफसीचो प्रशिक्षक डेस बकिंगहॅम हाणें आयएसएल आनी एएफसी चॅम्पियन्स लीग ह्या दोनूय पंगडांत घेतला. फ्रँकलिनाची अफाट तांक आनी दोन फावटीं लीग शील्ड जिखपी खेळगड्यानी ताचो जाल्लो आस्पाव हाचेर निवड सदस्यांनी ताचेर विश्र्वास दवरला.
“हांव बेळगावांत जल्मल्लो आनी म्हजो बापूय पुणे किर्लोस्कर न्युमाटिक कंपनींत सर्व्हीस करता. म्हणून हांव थंय शिफ्ट जालो, ” फ्रँकलीनान् सांगलें, “सुटयेच्या काळार हांव बेळगावांत येतालो म्हज्या शापायक आनी शामायक दिवपाक . तांचे आनी म्हजो बापुलो आनी फामाद क्रिकेटर डुमिंग नाझरेथ हांचे सपन हांव एक उत्कृश्ट क्रिडापटू म्हूण हांव पुराय करतलों असो हांवे थारायले.’’
“म्हजो भाव म्हाका शाळे उपरांत (फुटबॉल) सरावाक व्हरतालो, हांव थकतालो आनी म्हज्या आवय-बापायक राग येतालो कारण ताचो परिणाम म्हज्या अभ्यासाचेर जातालो. म्हज्या बापायक रॉबिनाक हांव अभियंतो जावचो अशें दिसतालें. पूण फुटबॉल मदें हांवे दाकयलेली चमक पळोवन ताणे लेगीत म्हाका प्रेरणा आनी मार्गदर्शन दिवंक सुरु केले.”
त्या उपरांत 2019 वर्सा ताका रिलायन्स फावंडेशन युथ चॅम्पियन्स (आरएफवायसी), रिलायन्स फावंडेशन च्या पंगडांत फॉरवर्डां म्हूण खेळपाक मेळ्ळें आनी हो अणभव मुंबयंत बरो उपेगाक आयलो.
फ्रँकलीन एक अभ्यासू प्रवृत्तीचो फुटबॉलर आसल्याचे मत ताचे प्रशिक्षकांनी उक्तायला. आपल्या गावच्या ह्या तरणाट्यान बिडी गांवचे नांव पर्जळीत केला म्हूण गांवच्या सगळ्यांक ताचो अभिमान दिसता.
