उजवाड ब्युरो, 11 डिसेंबर: भर दिसाचे एका धक्कादायक घटनेत एका व्यक्तीन इगर्जीच्या फादरवयर तलवारीन हल्लो करचो यत्न केलो. सेंट जोसेफ द वर्कर इगर्ज, बॉक्साईट रोड हांगाचे पॅरीश प्रिश्ट फादर फ्रान्सिस डिसोझा हांचेवयर तलवारीन हल्लो करचो यत्न केला. तरी देवाच्या बेसावान फादर फ्रान्सिस हांका कायंच जावंक ना.
फादर फ्रान्सिस हांच्या म्हणण्या परमान तलवार हातांत घेवन एका व्यक्तीन कंपाऊंडच्या भिंतीवयल्यान उडी मारली आनी इगर्जीच्या फाटल्या बाजूक असलल्या निवासस्थानाच्या पयल्या मजल्यावयर दनपारा 3.40 च्या सुमाराक प्रवेश केलो. तो खोलिभीतर लिपून बशिल्लो आनी ताणे फादर फ्रान्सिसवयर हल्लो करचो यत्न केलो.
मागीर भिंतीवयल्यान उडी मारून घटनास्थळावयल्यान पळून वचपांत तो यशस्वी जालो.
हल्लेखोर व्यक्ती सीसीटीव्ही फुटेजांत कैद जाल्या.
इगर्जीच्या कॅम्पसांत तीन फादर रावतात. क्रिस्तांव समाजान घटनेचो निषेध केला आनी फादर आनी इगर्जीच्या रक्षणाची मागणी केल्या. घटनेची रोकडीच चौकशी करून गुण्यांव काराक अटक करपाची मागणी केल्या.खबर मेळतकूच फादर नेल्सन पिंटो आनी लुईस रॉड्रीग्स हांणी घटना थळार वचून पोलीस कमिशनरांक खबर दिली.घटना थळार पोलीस हजर जाले. मुकार तपास सुरू आसा.
