देवान तांकां बरी भलायकी आनी खाशेले बेसांव दिवचे म्हूण प्रार्थना करतात सगळें भावार्ती
लुईस रॉड्रीग्स, उजवाड ब्यूरो: सिंधुदुर्ग डायोसीजीचे गवळी बाप बिशप अँथनी ऑल्वीन फर्नांडीस बरेट्टो हाणीं सादर केल्लो राजिनामो पोप फ्रांसिसान मंगळारा मान्य केलो.
मुळावे शिवोली वेल्साव च्थो सुपूत बिशप ऑल्वीन बरेट्टो हाचो जल्म २२ डिसेंबर १९५२ दिसा मापुसा हांगा जालो आनी १३ ऑक्टोबर १९७९ दिसा ताका पाद्री म्हणून नेमणूक जाली.बिशप ऑल्वीन हाणीं पूना डायोसीजींतय डीन म्हणून काम केल्लें.
५ जुलय २००५ इस्वेंत सिंधुदुर्गाचें डायोसीज उबारलें तेन्नां बिशप बारेटोक ५ जुलय २००५ दिसा डायोसिजीचो पयलो बिशप म्हूण नेमणूक जाली .
फाटलीं १९ वर्सां सिंधुदुर्ग डायोसीजीचो मुखेली म्हूण बिशप बरेट्टो हांकां डायोसीजींत वेगवेगळीं संस्थां स्थापन करपाचें आनी जायते प्रकल्प सुरू करपाचें श्रेय मेळ्ळां.
एक कुशल प्रशासक आनी सामान्य मनशाचो गवळी बाप म्हूण तांची प्रतिमा आसली. तांचे शेर्माव आनी तांचे आपल्या पाद्रींकडेन आनी भावार्त्यांकडेन आशिल्ले संबंध खूब जिव्हाळ्याचे आनी वाखाण्णी करपा सारकें आसात. बिशप आल्वीन हांच्या राजीनाम्यान फकत सिंधुदुर्ग न्हय, तर गोंय, कर्नाटक आनी महाराश्ट्रभर उदासीनतेचे वातावरण पसरला. आपल्या भलायकीक लेगून ताणीं आपलो राजीनामो दिल्याची सुत्रांनी म्हायती दिली.
पूण तांच्या फुडल्या जिवीताक आमच्यो परबीं तेच भाशेन तांचे मार्गदर्शन आमकां सदांच मेळटलें म्हूण आशेताव. तांकां बरी भलायकी मेळची म्हूण मागतांव.
राख देवा सर्वेश्परा…राख आमच्या बिस्मा सायबाक ….राख देवा सर्वेश्परा
