उजवाड ब्युरो, बेळगाव: आयतार २२ सप्टेंबर दिसा सकाळीं १० वरार सोसायटीची वर्सुकी सार्वत्रिक बसका सेंट झेवियर पॅरिश हॉल कोल्हापूरांत जाली. संस्थेचो अध्यक्ष मनवेल रॉड्रिक्स अध्यक्षपदाचेर आशिल्लो. ह्या कार्यक्रमाक मुखेल सोयरो जावनासलो पॅरिश पाद्री रेव्ह. फादर सायमन सिंगारे. मुखेल सोयऱ्यान संस्थेच्या वावराचेर आपलें समाधान उक्तायलें आनी ह्या बऱ्या कामाक आदार दिवपाचें आवाहन वांगड्यांक केलें.
रुप्याच्या महोत्सवाच्या निमतान पुण्यवान विद्यार्थ्यांक भेटवस्तू वांटप आनी अभिनंदन करप रेव्ह. फादर सायमन शिंगारे हाच्या शुभ हातांनी केलें. तशेंच रोजालीना गॉडद संस्थेची तज्ञ संचालक म्हूण वेंचून आयिल्ल्या तिचो सत्कार रेव्ह. फादर सायमान शिंगारे हांणी केलो. अहवाल वाचन संस्थेचो वेवस्थापक डी. D. S. मगदूम हांणी केले. अँन्थनी डिसोझा सर हाणें संचालन केलें.
ह्या संदर्भार संस्थेचे वांगडी मुजमील चौधरी, बाप्तीस मोरायस, जयंत मस्करेंहास हांणी आपले मोलादीक विचार मांडले.
बसकेचे संचालक शांप्रास बार्देस्कर, जेसन डिसोझा, इनास आंद्राद्रे, बीना मस्कारेन्हास, रुजाय गोन्साल्वेस, साविओ डिसोझा, संस्थेचे कायदेशीर सल्लागार ॲड. संजय डिक्रूझ, रिकव्हरी ऑफिसर अनिल घाटगे, फिलीप डिसोझा आनी हेर वांगडी हाजीर आशिल्ले.
