उजवाड ब्युरो, पणजी : अर्थ प्राॅडक्शन, काणकोण कोंकणी लेखक संघाच्या जोडपालवान राष्ट्रीय कोंकणी मान्यताय दिसाच्या निमतान सर्गेस्त रमाकांत वेर्णेकार यादस्तीक कोंकणी कविता सर्त घडोवन हाडटा. ती पणजेच्या श्रीसरस्वती मंदिराच्या फॉमेंतो सभाघरांत मंगळार 20 आॅगस्टाक दनपरां 2.30 क सुरू जातली.
सर्तीचे नेम अशे: 1) कविता कोंकणीं आसची. 2) कविता- स्वता रचिल्ली स्वता वाचपाची. 3) कविता तीन मिनटां भितर सादर करची. 4) कवितेचो विशय खंयचोय आसूं येता. 5) सर्तकाची पिराय 16 वर्सां परस चड आसूंक जाय, 6) कविता गावन दाखोवंक मेकळीक आसतली.
पयलें इनाम 3000 रुपया, दुसरें इनाम 2000 रुपया तर तिसरें इनाम 1000 रुपया आसतलें. त्या भायर 500 रुपयांचीं दोन उमेद वाडोवपी इनामां आसतलीं.
सर्त सुरू जावचे पयलीं कवितेच्यो तीन प्रती आयोजकां कडेन दिवच्यो. पुर्वप्रसिद्ध जाल्ल्यो कविता विचारांत घेवचे नात. कवितेंत पोजडेपणां आनी वैयक्तीक टिका आसची न्हय. इनामां वितरण कार्यावळ रोखडीच आसतली. सगल्या सहभागी कवींक प्रमाणपत्रां भेटयतले.
इत्सुकांनी सर्तींत भाग घेवपाक 8208276361 ह्या व्हाॅट्सअॅप नंबराचेर (गौरीश वेर्णेकार) वा 8408084270 ह्या नंबराचेर (अनघा कामत) 18 आॅगस्टाक रातींच्या 10 वरां मेरेन नांवां धाडून कळीत करचें. उपरांत आयिल्ल्या कवींक सर्तींत भाग घेवंक मेळचो ना, अशें आयोजकांनी कळीत केलां.