उजवाड ब्युरो, बेळगांव : हवामान खात्यान काल फुडले कांय दीस तापमान चडेंच उरतलें आनी दोन दीस हवामान ढगाळ उरतलें असो अदमास काडिल्लो. तशेंच पावस पडपाची शक्यताय ना असोय उल्लेख केल्लो. पूण आयज सकाळीं सावन उत्तर आनी दक्षिण गोंयांत कांय वाठारांनी नेटाचो पावस पडपाक सुरवात जाल्या. ते प्रमाण पणजी हवामान खात्यान रोखडोच यलो अलर्ट जारी केलो.
गोंयांत 19 ते 21 एप्रील मेरेन राज्यांतलें हवामान उश्ण आनी दमट आसतले. तशेंच आयज आनी फाल्यां वातावरण ढगाळ आसपाची शक्यताय आसा. पूण पावस पडपाची शक्यताय ना. जाल्यार 22 ते 25 एप्रील ह्या काळांत हवामान सुकें उरपाची शक्यताय आसा असो अदमास काल दनपारां पणजी हवामान खात्यान दिल्लो. पूण, गोंयच्या चडशा वाठारांनी दमट वातावरण जावन सकाळीं सावन पावस पडपाक सुरवात जाल्या. पणजे सकाळच्यान व्हडलो पावस पडटा.
