कांय गांवकार कामगाराच्या फाटल्यान घट्ट उबे रावपाचे: आमदार राजेश पाटील
उजवाड ब्युरो, बेळगाव 14 मार्च: किणी, कोवाड (ता. चंदगड) हांगा आमदार राजेश पाटील हांणी मान्य केल्ल्या अल्पसंख्यांक भोवसंख्य गांवगिऱ्या मुळाव्या साधनसुविधा खाला क्रिस्तांव समाजाच्या शिमित्रीच्या परिसराच्या आनी इगर्जेच्या आवाराच्या सोबीतकाये खातीर (सौंदर्यी करणा खतिर) 10 लाख रुपया आनी गांवा खाला दलीत वसणुकेच्या रस्त्याचें काम आशिल्लें सोमारा 11 तारखेक आमदार राजेश पाटील हांणी सुरू केलें . ह्या संदर्भार आमदार राजेश पाटीलाक किरिस्तांव समाजाक व्हड निधी दिल्ल्या खातीर समाजा वतीन फादर सायमन भुतेलो हांणी भोवमान केलो आणि तांका धिनवास दिलो.
हे वेळार एस.एल. पाटील, अशोकराव देसाय (सरकार), विनोद पाटील, पीबी पाटील, सुखदेव शाहापुरकर, सरपंच संदीप बिर्जे, राहुल देसाय, प्रकाश पुजारी, माजी सरपंच शाहू फर्नाडीस, संतान (बाबूंन्या) लोबो, आनी गांवचे लोक व्हड प्रमाणांत हाजीर आशिल्ले.
आमदार पाटील हांचो इगर्जेत सत्कार*
चंदगड , आजरा, गडहिंग्लज विधानसभा मतदारसंघाचे आमदार श्री राजेश नरसिंगाराव पाटील हांणी कीणी हांगाच्या क्रिस्तांव शिमित्रीचो परिसर आनी इगर्जेच्या मुखार फरसबंदी ब्लॉक लावपाच्या पुराय जाल्ल्या उदरगतीच्या कामाचें उक्तावण केलें. हया वेळार तांचो फादर सायमन भुतेलो हाणी सत्कार केलोर.
