उजवाड ब्युरो, १८ डिसेंबर :
कर्नाटकाचो उर्जा मंत्री के जे जॉर्ज हांकां शुक्रार, १६ डिसेंबर दिसा बेळगांवच्या बिशप हाऊसांत जाल्ल्या एका कार्यावळींत बेळगांवचे बिशप डेरेक फर्नांडीस हांणी भोवमान केलो. श्री जॉर्जाक कर्नाटक विधानसभेंत 6 वी फ़ावट विंचुन आयल्या खातीर परबीं दितना बिशप फर्नांडीसान राज्यांतल्या लोकां खातीर केल्ल्या सेवे खातीर मंत्री जॉर्जाचेय उपकार मानले.
” राज्याचो उर्जा मंत्री जावपाचो भोवमान तुमकां मेळ्ळा कर्नाटकांतल्या लोकां मदीं खास करून क्रिस्तांव समाजांतल्या तरणाट्यां खातीर तुमी प्रेरणाचो स्त्रोत जावन आसात आनी तुमचे खातीर आमी मागणें करतात आनी जनतेची सेवा करताना तुमकां उपाट येस मेळचें अशीं कामना करतात.” अशें बिशप फर्नांडीस हांणी सांगलें.
ह्या वेळार उलयतना मंत्री के जे जॉर्ज हांणी राजकी मळार येस मेळोवपा खातीर क्रीस्तांव लोकांनी तळागाळांतल्या पांवड्यार काम करचें अशें सांगलें. ” राजकारणांत येस मेळोवपा खातीर लोकां मेरेन पावपाक जाय आनी वयल्या पांवड्यावेल्या फ़ुडार्य़ांणी तुमच्या कामां खातीर तुमची नोंद घेवंक जाय” अशें तांणी सांगले
व्हिकार जनरल फादर फिलीप कुट्टी, क्लारा फर्नांडीस, लुईस रॉड्रिगीस, गिरगोल रॉड्रिगीस, फादर प्रमोद, फादर जेरार्ड सिल्वा आनी हेर हाजीर आशिल्ले.
