उजवाड ब्युरो, बेळगांव, 1 डिसेंबर : आयज सकाळी 11.30 च्या दरम्यान डॉ अशोक फर्नांडीस हांच्या दुखेस्त मरणाची खबर उजवाड आनी हेर गृपानी धडकली आणि सगळ्यांक एकदम धकको बसलो. सगळ्यांचे लागाशिल्ले आशिल्ले डॉ फर्नांडीस हांचो उजवाड वोर्वी आनी अभा कोंकणी परिशदेच्या गडहिंग्लज हांगा 8 जुलय दिसा जालेल्या स्थापना दिसा तांचो भोवामान केल्लो. तांच्या आतम्याक सासाणाचो विशेव मेळू आणि डॉ स्मिता आनी भूर्ग्यांक भूजवण……_
डॉ. अशोक फर्नांडीस (एम.बी.बी.एस., डी.सी.एच.)
आजरा हांगा रावपी डॉ. अशोक फर्नांडीस म्हळ्यार हालेवाडी सारक्या ल्हान खेड्यांतल्यान येवन मळबा गवसणी घालपी जिद्दी आनी कर्तबगार व्यक्तिमत्व. बापूय मैल कुली (जिल्हो पंचायतीच्या रस्याची डागडुजी करपी मानाय ) आनी आवय सुक्या नुस्त्याचो व्ोपार करपी. पूण खूब प्रतिकूल परिस्थितीकडेन दोन हात करीत डॉ. फर्नांडिस जिवितांत यशस्वी जाले. आयज डॉ. अशोक फर्नांडिस नामणेचो बालरोगतज्ञ आसा.
तांचे शिकप : प्राथमिक- हालेवाडी, माध्यमिक- उत्तूर, उच्च माध्यमिक- साधना हायस्कूल, एस.एस.सी.त गडहिंग्लज केंद्रांत तिसरो. जे. बी. सरांच्या मार्गदर्शनाखाल सोलापूर हांगा एम.बी.बी.एस. दाखलो. मळेवाड, सावंतवाडी हांगा महाराष्ट्र सरकारचो वैजकी अधिकारी म्हून रुजू जाले. बिशप ऑल्वीन हाणी पाद्री आसताना डॉ. स्मीता हिचे सांगाता खूब प्रतिकूल परिस्थितींत रेस्पेर लायले. जे.बी. सर हे दोनी वटेन एकलेच व्हराडी आसले खंय !!
1994 वर्साथावन आजऱ्याच्या सरकारी इस्पितळांत तालुका वैजकी अधिकारी म्हूण सेवा. 20121त उच्च प्रशस्ती घेवन निवृत्त. वेगवेगळ्या स्थानिक आनी राज्यस्तरावयल्या संस्थांवोरवीं तांचो सत्कार जाला तर देशाचे माजी केंद्रीय मंत्री शरद पवार हांचे हस्तुकी घरकान्न डॉ. स्मीताक राज्य आनी राश्ट्रीय मळार विशेश प्रशस्ती फावो जाल्यात. डॉ. फर्नांडीस दांपत्यान जायत्या गोरगरीबांक, गरजेवंतांक मोफत सेवा दिल्यात.
– मिनीन गोंन्साल्वीस
