उजवाड ब्युरो : ‘कोंकणी भाषा मंडळ महाराष्ट्र’ हाणे नोव्हेंबर १९, २०२३ ह्या दिसा मुंबई हांगा ‘ऑल इंडिया कोंकणी ड्रामा स्पर्धा’ घडोन हाडली. हे सर्तेन (स्पर्धेन) ‘आशीर्वाद कला केंद्र, आजगांव’ सिंधुदूर्ग हाणे वांटो घेतलो. ‘हांव तूजोच’ हो एडविन डिसोजा, आजगांव हाणे बरयलोलो कोंकणी ड्रामा (नाटकुले) हे सर्तेन सादर केलो. कालीस डिसोजा-देवबाग, जेम्स लुद्रिक-देवबाग, अॅलेक्स (आजो) डिसोजा-आजगांव, प्रिन्सेससिया डिसोजा-आजगांव आनि एडविन डिसोजा हे कलाकार आसले. हे सर्तेन सिंधुदूर्गाक तीन इनामा फत्रवो जाली. ‘हांव तूजोच’ ह्या ड्रामाक दुसरो इनाम फावो जालो, बोरी वेशभूषा (बेस्ट कॉस्ट्युम ) जेम्स लुद्रिक हाका आनी बोरे कलाकार म्हुण बाय प्रिन्सेससिया डिसोजा हांका फत्रवो जाले. व्हड खुशालकायचो हो वेळ आसलो. इतले व्हड सर्तेन तीन इनामा मेळवपाचे म्हुटल्यार व्हडातले व्हड भाग आसले. मुंबईच्या शारान कोंकणी माचयेर पावल मारून आमी एक इतिहास घडलो. कीत्याक पयलेच पावट मुंबई शारान सिंधुदूर्ग थावन कोंकणी कलाकार आपली कला सादर करूंक पावले. हाचे पयले भोमाय थावन कोंकणी कलाकार सिंधुदूर्गान आपले तियात्र घेवन येताले. पयलेच पावट वचोन तीन इनामा आमी आमची केली हो आसलो दुसरो इतिहास. ह्याच कारणा खातीर हातुन वांटो घेवपी कलाकार व्हड उमेदीन आसले आनी इनामा फावो जातोच जायतेच खुशाल जाले. आयोजकानी आनी जुंयज सायबांनी आमची जायती तुस्त केली. याच पासोत सगळयान पयले आमी देवाक आरगां दितांव आमका हो सुयेग आनी जयत फावो केले म्हुण. बाब मेल्वीन फर्नांडिस, आचरा (मुंबई) हाणे आमका आपलो बरोच आदार दिलो ताका आमच्यान विसरोंक जावचे ना. ताका लागोनुच आमचो पंगड मुंबई पावलो. बाब टॉनी मार्टिन, मुंबई हांकाय आमचे दिनवास आमका दिलोल्या सगळ्या आदारा पासोत. फेसबुक, व्हॉट्सअॅप हाचेर वो आमका मेळोन जाणे-जाणे आपले सहकार्य दिला तांकत्र सगळयांक आमचे दिनवास. ऑगस्टीन कोयलो, आजगांव हांचे मार्गदर्शन आमका जयत मेळोंक जायते उपकारले ताकाय आमचे दिनवास. ‘आशीर्वाद कला केंद्र, आजगांव’ हांच्या सगळ्या सहकार्या पासोत आमी तांका देव बरें करूं म्हुणता.
– कालीस डिसोजा, देवबाग
