उजवाड ब्युरो: पुणे – पुणे कॅथलिक डायोसीज प्रार्थना सभा आनी अठराव्या राष्ट्रीय आध्यात्मिक प्रार्थना परिशदेचो भांगरा महोत्सव हालींच पेपल सेमिनरी, वडगांवशेरी हांगा सोंपलो. 11 नोव्हेंबर ते 13 नोव्हेंबर मेरेन आयोजीत केल्ल्या ह्या राष्ट्रीय आध्यात्मिक प्रार्थना बसकेंत राज्यभरांतल्या आनी देशांतल्या पांच हजारां परस चड क्रिस्तांव भाव-भयणींनी वांटो घेतलो. पेपल सेमिनारीचे मुखेली फादर भाउसाहेब संसारे, राष्ट्रीय संयोजक सिल्वन मिरांडा, पुणे प्रांताचे संयोजक जुड पेरेरा, आध्यात्मिक मार्गदर्शक आनी पुणे कॅथलिक प्रांताचे व्हिकार जनरल फादर मालकम सिल्वेरा हांणी ह्या राष्ट्रीय आध्यात्मिक प्रार्थना परिशदेचें मार्गदर्शन केलें. शिरीश सेबेस्टियन ह्या धर्मीक मेळाव्याचें समन्वयन आनी उपकार मानले. पुणे शाराचे पुलीस उपायुक्त शशिकांत बोराटे हांणी बसकेक भेट दिवन क्रिस्तांव पाद्री आनी हाजीर आशिल्ल्या सहभागी भाव-भयणींक येवकार दिलो. पुणे शारांतल्या हजारांनी क्रिस्तांवांनी ह्या राश्ट्रीय आध्यात्मिक प्रार्थना सभेंत वांटो घेतलो.
ओस्वाल्ड कार्डिनल ग्रासियास, आर्चबिशप फ्रन्सिस कालिस्त, पुण्याचे बिशप जॉन रॉड्रिग्स, आदले बिशप थॉमस डाबरे ह्या दोन दिसांच्या कार्यावळींत हाजीर आसले.
