मुख्यमंत्रीः कोमुनिदाद जमनीचेर 70 ते 80 टक्के घरां गोंयकारांचीच
फोटो: मंत्रीमंडळ बसके उपरांत पत्रकार परिशदेत उलयतना मुख्यमंत्री डॉ. प्रमोद सावंत. कुशीक मंत्री मॉवीन गुदिन्हो.
पणजी: कोमुनिदाद जमनीर अनधिकृत घरां मदीं गोंयकारांच्या घरांचें प्रमाण 70 ते 80 टक्के आसा, असो दावो मुख्यमंत्री डॉ. प्रमोद सावंत हांणी केलो. गोंयकारांची तीं घरां वाटोवपा खातीरूच सरकार कायदो दुरूस्ती करतलो, अशें मुख्यमंत्री डॉ. प्रमोद सावंत हांणी स्पश्ट केलें.
———————————————
कोमुनिदाद जमनीर 70 ते 80 टक्के घरां गोयकारांचीच आसात. कोमुनिदाद कायद्यांतली दुरूस्ती झोपडपट्टी खातीर ना, जाल्यार ती गोंयकारांची घरां सांबाळपा खातीर आसा. कोमुनिदादीक विस्वासांत घेवन कायदो दुरुस्ती जातली, अशें मुख्यमंत्री डॉ. प्रमोद सावंत हाणी सांगला. मंत्रीमंडळ बसके उपरांत तांणी ही म्हायती दिली. ह्या वेळार पंचायत मंत्री मॉबिन गुदिन्हो हाजीर आशिल्ले.
काणकोण साळगांवां सयत 5 कोमुनिदादींचे जमनी वयली घरां मोडपाचो आदेश न्यायालयान दिला. हीं घरां वाटावपाचे सरकाराचे यत्न आसात. काणकोण कोमुनिदाद जमनी वयलीं 500 जाल्यार साळगांव कोमुनिदाद जमनी वयली 150 ते 200 घरां मोडपाच्यो नोटिस जारी जाल्यात, अशें मुख्यमंत्र्यानी सांगलें.
कायद्यांत दुरुस्ती करून कोमुनिदाद जमनी वयली घरां कायदेशीर करपाची घोशणा मुख्यमंत्री डॉ. प्रमोद सावंत हाणी दोन दिसां आदीं केल्ली. तांचे घोशणेचेर विरोधी पक्षांनी खर टिका केली. बिगर गोंयकारांची अतिक्रमणां कायदेशीर करपाचो हो हेतू आसा. लोकसभा वेंचणूक लागीं पाविल्ल्यान फक्त मतां खातीर सरकाराची धडपड आसा, असो आरोप विरोधी पक्षांनी केला. ह्या आरोपांत तथ्य ना. गोंवकारांचीच 70 ते 80 टक्के घरां आसात, अशे मुख्यमंत्र्यांनी सांगलें.
आतां वेंचणुक लागीं पावल्या. मतांचेर दोळो दवरून सरकारान ही घोशणा केल्या, अशी प्रतिक्रिया काँग्रेसीन उक्तायल्ली कोमुनिदादींतली घरां कायदेशीर करण म्हणल्यार गोंयकारांचेर अन्याय आनी अत्याचार आसा, असो आरोप गोवा फॉरवर्ड पक्षान केला.
कोमुनिदादीक विस्वासांत घेवन कायदो दुरूस्ती
ही दुरुस्ती सरकार जाय तशी करचो ना. कोमुनिदाद संस्थांक विस्वासांत घेवन आनी कायदेशीर सल्लो घेवन ही दुरूस्ती जातली. कोमुनिदादीची एक समिती घरां बांदपाक मान्यताय दिता. दुसरी समिती आले उपरांत ती घरां मोडपा खातीर न्यायालयात वता. हाका लागून जांणी घरां बांदल्यात तांच्या मनांत संगीत असुरक्षीतायेची भावना आसता. घरांक संरक्षण दिवपा खातीर कायदो दुरूस्ती जातली. बिगर गोंयकारांनी जीं अतिक्रमणा केल्यांत, ती कायदेशीर करपाचो हेतू हाचे फाटल्यान ना, अशें मुख्यमंत्री डॉ. प्रमोद सावंत हांणी सांगलें.
पर्यटन मार्केटिंगा खातीर कंपनीची नेमणूक
पर्यटनाचें मार्केटींग करपा खातीर सांगलें. मुंबयचे कन्सेप्ट कम्युनिकेशन लिमिटेड हे पीआर कंपनीची नेमणूक केल्या. ही कंपनी 3 वर्सा खातीर पर्यटन खात्याक सेवा दितली. पीआर कंपनीचे नेमणुकेक मंत्रीमंडळान मान्यताय दिली.
मंत्रीमंडळान जुवारी पुलाच्या फोटोग्राफीच्या 65 हजार रुपयांच्या बिलाक मान्यताय दिली. तशेंच म्हायती आनी प्रसिद्दी खात्याची 2.13 कोटींच्या बिलांक मान्यताय दिली.
सरकारान हालींच होम स्टे पर्यटन धोरणाक मान्यताय दिल्या. ह्या धोरणाच्या दुरूस्तीक मंत्रीमंडळान मान्यताय दिली.
बुधवारा मंत्रीमंडळ बसका जाली. मंत्रीमंडळ बसके उपरांत मुख्यमंत्र्यानी ही म्हायती दिली.
प्रधानमंत्री नरेंद्र मोदी हांणी बुधवारा 15 नेव्हेंबराक भारत संकल्प यात्रेची शुभारंभ केलो. ही यात्रा गोंयांतले दरेके पंचायतीक भेट दिल्ली. पंचायतींत 13 वरां ही यात्रा रावतली. बिरेस्तारा दक्षीण गोयांत चिखली पंचायतींतल्यान गोंयांतले यात्रेक सुरवात जातली, अशें मुख्यमंत्री डॉ. सावंत हांणी
