वाटंगीचो सुपूत जालो सुपर क्लासवन कृषी अधिकारी

उजवाड ब्युरो, पुणे : मुळावे वाटंगी गावचो सुपूत आनी हांगाच्या रोझरी इंग्लीश स्कूलच्या पयल्या बॅचचो विद्यार्थी फिलीप कुस्तास डिसोझा हाका हालीच महाराश्ट्र शेतकी खात्याचो अधिक्षक कृषी अधिकारी म्हूण बढटी मेळ्ळ्या. फाटली 32 वर्सा ह्या खात्यात वावर करपी फिलिप डिसोझा हो अहमदनगर हांगा विभागीय ऋषिअधिकारी म्हूण फाटली 3 वर्सा वावर करतालो. आपल्या सेवे दरम्यान ताणे जायते यश आनी नांव जोडला. पुणे हांगा आता तो सुपरिंटेंडींग ॲग्रो ऑफीसर अर्थात अधिक्षक कृषी अधिकारी म्हूण वावर करतेलो.