उजवाड ब्युरो, पुणे: पुना कॅथलीक को. ऑ. क्रेडीट सोसायटीची वर्सुकी सर्वसाधारण सभा दि. 10 सप्टेंबर दिसा सीटी चर्च पुणे हांगा सकाळी ८.३० वा. च्या मीसाउपरांत १०.३० वाजता जाली.
सभेच्या अध्यक्षपदाचेर पुना कॅथलीक को. ऑ. क्रेडीट सोसायटीचे चेअरमन पीटर डिसोझा असूले, मुखेल सोयरे म्हूण विकार जनरल रेव्ह. फा. मालकम सिक्वेरा आनी आल्फि मंतेरो असुले.
संस्थेची खजिनदार ॲडम मावीस हिने कार्यक्रमाचे सुत्रसंचालन केले. जोन मेंन्डोसा हिने सोसायटीच्या फाटल्या 6० वर्साचो आढावो घेतलो. सेक्रेटरी जॉयीस रॉड्रीग्स हिने संस्थेच्या अहवालाचे वाचोप केले.
संस्थेचे चेअरमन पीटर डिसोझा हाने विशेश- रुपान आपली मता उक्तायली. सभासदांच्या प्रश्नांक समाधान- कारक उत्तरा तर दिलीच पुण संस्थेच्या कामांत सभासदांचो वांटो असचो म्हूण आव्हान केले.
रेव्ह. फा. माल्कम सिक्वेरा हाणे संस्थेच्या माध्यमातल्यान गरजू ख्रिस्तांव भावाभयनींक जाल्ल्या आर्थिक मदतीची तोखणाय केली.. ह्या क्रेडीट सोसायटीचो चड गरजेवंता पर्यंत फायदो जावुंचो म्हुण तांच्यापर्यंत संपर्क करूंक प्रयत्न करुंचो म्हूण आपले मत उक्तायले. संभेक 60 वर्सा पुराय जाल्यापासोत शुभेच्छा व्यक्त केली.
संस्थेचे आदले चेअरमन अल्बर्ट फर्नांडिस सभेक हजर असुले. फा.माल्कम सिक्वेरा हाणे तांका शॉल आनी फुलांचो गु्च्छ दिवुन येवकार दिलो.
शेवटाक संस्थेचे व्हा.चेअरमन विन्सेंट डायस हाणे सगळ्या सभासदांचे आभार मानले..
ह्या सर्व साधारण सभेक कोजमा सोज, ज्यो फर्नांडिस आनी अंतोन शेराँव हे संचालक हजर असुलेत. सभेचो शेवट रुचीक जेवणान जालो.
सभेचे संचालक मंडळ:
चेअरमन पीटर डिसोजा
व्हा.चेअरमन विन्सेंट डायस
सेक्रेटरी जोईस रोड्रिक्स
खजिनदार ऍड ऍडम मावीस
संचालक मंडळ:
जोसेफ फर्नांडिस
कोजमा सोज
जॉन मेंडोंसा
अंतोन शेराव
अंजलो मॅनेजिस
अंतोन मंतेरो
